“నన్ను ప్రేమించి నా కొరకు తన్నుతాను అప్పగించుకొనెను.” గలతీ Galatians 2:20
అత్యంత సుందరుండును
ఎల్లరి కాంక్షణీయుడు
దేవాది దేవుడైన మా
కల్వరి యేసు నాథుడు
పల్లవి : కల్వరి నాథుడా – నన్ను జయించితి
రక్షింప మృతుడైన – కల్వరి యేసు నాథుడా
1. గాయపడి శ్రమలతో
పాపదుఃఖము మోసితివి
సిల్వలో మరణించితివి
దుఃఖ కల్వరి నాథుడా
|| కల్వరి ||
2. శాంతి జీవము నీయను
ఖైదీల విమోచనమునకై
రక్తపు ఊట తెరచితివి
ప్రేమ కల్వరి నాథుడా
|| కల్వరి ||
3. తెచ్చిన ఈవులెల్లను
మేలుకొరకు మనకిచ్చి
ప్రేమనదిని పోసెను
దయాకల్వరి నాథుడు
|| కల్వరి ||
4. మహిమ పూర్ణుడగు నిన్ను
కండ్లార చూతుమనుటయే
ఇచ్చట మా ఆదరణ
సాటిలేని కల్వరీ ప్రభూ
|| కల్వరి ||
5. స్పటిక సముద్ర తీరమున
నీ ప్రేమయందు మున్గుచు
నీ వలె నుందు నిత్యము
మహిమ కల్వరి నాథుడా
|| కల్వరి ||