“… సాగిలపడి ఆయనను పూజించిరి” మత్తయి Matthew 2:11
పల్లవి : ఆశించుము ప్రభు – యేసు పాదములను
వాసిగ పాపుల – కాశ్రయములవి
1.యేసుని కీర్తిని కొనియాడెదము
యేసుని ప్రేమ చాటించెదము
యేసుని నామంబే మన జయము
ǁ ఆశించుము ||
2. యేసే ప్రేమ యేసే రక్షణ
యేసే జ్యోతి యేసే జీవం
యేసు ప్రభువునకే స్తుతియు మహిమ
|| ఆశించుము ||
3. సుజనుండేసుని భజనలు చేసి
నిరతంబాయన స్మరణము జేసి
ధన్యుండేసే యని పాడుమా
|| ఆశించుము ||
4. సార్వత్రికము తన సృష్టియే
తన వారికి కృపానిధియే
తన ప్రేమను మరువగ బోకు
|| ఆశించుము ||
5. యేసు పాదముల చేరి స్తుతించు
ఆత్మ ప్రాణ శరీ-రము నర్పించు
యేసుని నీదు ప్రభువుగా నెంచి
|| ఆశించుము ||