కల్వరిలోని శ్రేష్ఠుడా – కరుణా భరిత సింహమా

నేను సిలువ వేయబడిన యేసుక్రీస్తును తప్ప మరిదేనిని మీ మధ్య నెరుగకుందునని నిశ్చయించుకొంటిని.” 1 కొరింథీయులకు Corinthians 2:2

పల్లవి : కల్వరిలోని శ్రేష్ఠుడా – కరుణా భరిత సింహమా
కన్ను భ్రమించు ప్రభువా – సిలువలోని మిత్రుడా

1. స్తుతుకి పాత్రుండగువాడా – దూతలతో వెంచేయువాడా
సుదతి మరియ పుత్రుడా – సిలువలోని మిత్రుడా
|| కల్వరి ||

2. పాపులకై వచ్చినవాడా – ప్రేమ గల్గిన రక్షకుడా
పాదములపై బడితిమి – సిలువలోని మిత్రుడా
|| కల్వరి ||

3. దీవెనల నిచ్చుటకై – వసుధ కేతించినవాడా
నీవే సుంకరు లాప్తుడవు – సిలువలోని మిత్రుడా
|| కల్వరి ||

4. అయిదు రొట్టెలు మరి రెండు – చేపలతో నైదు వేల
జనుల పోషించిన తండ్రి – సిలువలోని మిత్రుడా
|| కల్వరి ||

5. నీళ్ళను రసముగ మార్చితివి – నీళ్ళ మీద నడిచితివి
మేళ్ళ నొసగు మా దాతా – సిలువలోని మిత్రుడా
|| కల్వరి ||

6. రోగుల బాగుచేయువాడా – గ్రుడ్డికి నేత్రము లిచ్చితివి
అనాధుల నాయకుడా – సిలువలోని మిత్రుడా
|| కల్వరి ||

7. హల్లెలూయా కర్హుడా – యెల్లరు కొనియాడు వాడా
బలముతో వచ్చువాడా – సిలువలోని మిత్రుడా
|| కల్వరి ||