“మన యతిక్రమ క్రియలనుబట్టి అతడు గాయపరచబడెను.” యెషయా Isaiah 53:5
పల్లవి : గాయములన్ గాయములన్ – నా కొరకై పొందెను క్రీస్తు ప్రభు
1. సురూపమైన సొగసైన లేదు – దుఃఖ భరితుడాయెను
వ్యాధిగ్రస్తుడుగా వ్యాకులమొందెన్ – వీక్షించి త్రిప్పిరి ముఖముల్
|| గాయములన్ ||
2. మా రోగములను మా దుఃఖములను – మనకై తానే భరియించె
మొత్తబడెను బాధించబడెను – యెంతో శ్రమనొందె మనకై
|| గాయములన్ ||
3. మా అతిక్రమ క్రియలను బట్టి – మరి నలుగగొట్టబడెను
తాను పొందిన దెబ్బలద్వారా – స్వస్థత కలిగె మనకు
|| గాయములన్ ||
4. పాపంబు కపటంబు లేదు ప్రభునందు – మౌనము వహియించె మనకై
ప్రాణంబు మనకై ప్రియముగా నర్పించె – ప్రభువే ఘోర సిలువపై
|| గాయములన్ ||
5. క్రీస్తు ప్రేమను మరువజాలము – యెంతో ప్రేమించె మనల
సిలువపై మేము గమనించ మాకు – విలువైన విడుదల గలిగె
|| గాయములన్ ||