“దావీదు కుమారునికి జయము” మత్తయి Matthew 21:9
పల్లవి : మంగళమే యేసునకు – మనుజావతారునకు
శృంగార ప్రభువున – కు క్షేమాధిపతికి
1. పరమ పవిత్రునకు – వరదివ్య తేజునకు
నిరుప మానందునకు – నిపుణ వేద్యునకు
|| మంగళమే ||
2. దురిత సంహారునకు – వరసుగుణోదారునకు
కరుణా సంపన్నునకు – జ్ఞానదీప్తునకు
|| మంగళమే ||
3. సత్య ప్రవర్తునకు – సద్ధర్మ శీలునకు
నిత్యాస్వయంజీవునకు – నిర్మలాత్మునకు
|| మంగళమే ||
4. యుక్తస్తోత్రార్హునకు – భక్త రక్షామణికి
సత్యపరంజోతియగు – సార్వభౌమునకు
|| మంగళమే ||
5. పరమపురి వాసునకు – నరదైవ రూపునకు
పరమేశ్వర తనయునకు – బ్రణుతింతుము నీకు
|| మంగళమే ||