యెహోవా మీద క్రొత్త కీర్తన పాడుడి

“యెహోవా మీద పాడుడి, ఆయన నామమును స్తుతించుడి. అనుదినము ఆయన రక్షణ సువార్తను ప్రకటించుడి.” కీర్తన Psalm 96:1-8

యెహోవా మీద క్రొత్త కీర్తన పాడుడి
సర్వ జనులారా పాడుడి మీరు

పల్లవి : యెహోవాకు పాడుడి

1. యెహోవాకు పాడి నామమును స్తుతించుడి
అనుదినము రక్షణ సు-వార్తను ప్రకటించుడి
|| యెహోవాకు ||

2. అతి మహాత్మ్యము గలవాడు యెహోవా
అధికస్తోత్రము నొంద – తగినవాడు ఆయనే
|| యెహోవాకు ||

3. సమస్త దేవతలకన్న పూజనీయుడు
అన్య జనులలో తన – మహిమను ప్రకటించుడి
|| యెహోవాకు ||

4. సకల జనములలో నాయన ఆశ్చర్య
కార్యముల ప్రచురించి – పూజింప రండి
|| యెహోవాకు ||

5. జనముల దేవతలందరు విగ్రహములే
యెహోవా నాకాశ విశా-లములను సృజించె
|| యెహోవాకు ||

6. ఘనతాప్రభావము లాయన సన్నిధి నున్నవి
బల సౌందర్యము లాయన – పరిశుద్ధ స్థలమందున్నవి
|| యెహోవాకు ||