“ఆయన దేవుని మహిమ యొక్క తేజస్సును, ఆయన తత్వముయొక్క మూర్తి మంతమునైయుండి …” హెబ్రీయులకు Hebrews 1:4
పల్లవి : సాగిలపడి మ్రొక్కెదము – సత్యముతో – ఆత్మలో
మన ప్రభుయేసుని ఆ….ఆ….ఆ….
1. మోషే కంటె శ్రేష్ఠుడు – అన్ని – మోసములనుండి – విడిపించున్
వేషధారులను ద్వేషించున్ – ఆశతో – మ్రొక్కెదము
ǁ సాగిలపడి ||
2. అహరోను కంటె శ్రేష్ఠుడు – మన ఆరాధనకు పాత్రుండు
ఆయనే ప్రధాన యాజకుడు – అందరము – మ్రొక్కెదము
|| సాగిలపడి ||
3. ఆలయముకన్న – శ్రేష్ఠుడు – నిజ ఆలయముగా తానే యుండెన్
ఆలయము మీరే యనెను – ఎల్లకాలము మ్రొక్కెదము
|| సాగిలపడి ||
4. యోనా కంటె శ్రేష్ఠుడు – ప్రాణ – దానముగా తన్ను అర్పించెన్
మానవులను విమోచించెన్ -ఘనపరచి మ్రొక్కెదము
|| సాగిలపడి ||
5. సొలొమోను కన్న శ్రేష్ఠుడు – సర్వజ్ఞానమునకు ఆధారుండు
పదివేలలో అతి ప్రియుండు – పదిలముగా మ్రొక్కెదము
|| సాగిలపడి ||
6. రాజుల కంటె శ్రేష్ఠుడు – యాజకులనుగా మనలను చేసెన్
రారాజుగ త్వరలో వచ్చున్ – రయముగను మ్రొక్కెదము
|| సాగిలపడి ||
7. అందరిలో అతి శ్రేష్ఠుడు – మనకందరికీ తానే ప్రభువు
హల్లెలూయకు పాత్రుండు – అనుదినము మ్రొక్కెదము
|| సాగిలపడి ||