స్తుతించుడి మీరు స్తుతించుడి

“సూర్యచంద్రులారా, ఆయనను స్తుతించుడి. కాంతిగల నక్షత్రములారా, మీరందరు ఆయనను స్తుతించుడి. పరమాకాశములారా, ఆకాశముపైనున్న జలములారా, ఆయనను స్తుతించుడి.” కీర్తన Psalm 148

పల్లవి : స్తుతించుడి మీరు స్తుతించుడి
యెహోవా దేవుని స్తుతించుడి – స్తుతించుడి

1. ఓ దూతలారా పరమ సైన్యమా
సూర్యచంద్రులారా తారాగణమా ప్రభునే స్తుతించుడి
|| స్తుతించుడి ||

2. పరమాకాశమా పైనున్న జలమా
సృష్టికర్తను స్తుతించుడి నాథుని స్తుతించుడి
|| స్తుతించుడి ||

3. మకరములారా అగాధ జలమా
అగ్ని వడగండ్లు ఆవిరి హిమమా కర్తను స్తుతించుడి
|| స్తుతించుడి ||

4. పర్వత శిఖర వృక్షములారా
మృగ పక్షి ప్రాకు పురుగులారా కాపరిని స్తుతించుడి
|| స్తుతించుడి ||

5. భూరాజులారా సర్వ ప్రజలారా
అధిపతులు యౌవనులు కన్యకలు రారాజుని స్తుతించుడి
|| స్తుతించుడి ||

6. మహోన్నతుండు ఇహ పరములలో
ఐశ్వర్యవంతుని స్తుతించుడి దేవుని స్తుతించుడి
|| స్తుతించుడి ||

7. ప్రజలెల్లరికి రక్షణ శృంగము
ఇశ్రాయేలీయులకు భక్తులకును తండ్రిని స్తుతించుడి
|| స్తుతించుడి ||