పరిశుద్ధ ప్రభు యేసు – స్తుతి స్తోత్రం

“నా ప్రభువా నా దేవా” యోహాను John 20:28

పల్లవి : పరిశుద్ధ ప్రభు యేసు – స్తుతి స్తోత్రం
నన్ను రక్షించినట్టి – నా ప్రభువా

1. గొప్ప దేవుడవని – నే నెరిగితిని
తప్పకుండ నీ నామము – స్మరియింతును
|| పరిశుద్ధ ||

2. తండ్రివైతివి నీవు – పరమునందు
దండి ప్రియుడవు నీవు – నా రక్షకా
|| పరిశుద్ధ ||

3. బహు విశ్వాస హీనుడ – నగు నాకు
మహా ప్రభువై నన్నున్ – మోసెదవా!
|| పరిశుద్ధ ||

4. సజీవుడవైన – విమోచకుడా
ఉజ్జీవము నొసగి – లేపితివే
|| పరిశుద్ధ ||

5. మంచి కాపరి నీవే – మా యేసు ప్రభూ
కొంచెమైనను కొదువ – లేదికను
|| పరిశుద్ధ ||

6. పరలోక ప్రధాన – యాజకుడా
ఏ రీతిగా నిను నే పూజింతును?
|| పరిశుద్ధ ||

7. పరలోకములో నుండి – వరుడేసు
అరుదెంచు నాకై – హల్లెలూయ
|| పరిశుద్ధ ||