“శక్తిగల మన రక్షకుడైన అద్వితీయ దేవునికి, మన ప్రభువైన యేసు క్రీస్తుద్వారా, మహిమయు మహాత్మ్యమును ఆధిపత్యమును అధికారమును యుగములకు పూర్వమును ఇప్పుడును సర్వయుగములును కలుగును గాక.” యూదా Jude 1:25
పల్లవి : వందనమో వందన మేసయ్యా – అందుకొనుము మా దేవా
మాదు – వందన మందుకొనుమయా
1. ధరకేతించి ధరియించితివా – నరరూపమును నరలోకములో
మరణము నొంది మరిలేచిన మా మారని మహిమ రాజా
నీకిదే వందన మందుకొనుమయా
|| వందనమో ||
2. పాపిని జూచి ప్రేమను జూపి – కరుణా కరముచే కల్వరి కడకు
నడిపించి కడు ప్రేమతో కడిగి కన్నీటిని తుడిచిన నీ
ప్రేమకు సాటియే లేదిలలోన
|| వందనమో ||
3. ఉదయించితివా నన్నుద్ధరింప – ధరియించితివా దారుణ మరణము
దయతలచి దరిద్రుని పిలిచి దారిని చూపిన దాతా
దేవా హృదయార్పణ నర్పింతు
|| వందనమో ||
4. అనాధుండను నా నాథుండా – అండవై నాకు బండగ నుండు
అంధుడ నేను నా డెందమున నుండి నడిపించు
క్రీస్తుండా స్తుతిపాత్రుండ – స్తుతించు
|| వందనమో ||
5. జగమును వీడి పరమున కరిగి – పరిశుద్ధాత్మను వరమును విరివిగ
నరులపై వరదా ధరలో పోసిన దురిత దూరుడ రావా
రాజా నీకిదే నా స్తుతియాగం
|| వందనమో ||
6. పరమునుండి పరిశుద్ధులతో పరిపూర్ణ ప్రభు ప్రభావముతో
ప్రవిమలుడా ప్రత్యక్షంబగుదువు అక్షయ దేహము తక్షణమిచ్చు
క్షితినిన్ చేరి స్తుతింతు
|| వందనమో ||
7. స్తుతిస్తోత్రార్హుడా పరమ పూజ్యుడ – వర్ణనాతీతుడా ధవళవర్ణుడా
రత్నవర్ణుడ రిక్తుడవైతివి ముక్తినిచ్చిన దాతా
నీకిదే వందనమందుకొనుమయా
|| వందనమో ||