“దేవదేవునికి కృతజ్ఞతాస్తుతులు చెల్లించుడి. ఆయన కృప నిరంతరముండును.” కీర్తన Psalm 136:2
పల్లవి : దేవదేవుని కొనియాడెదము – అవిరత త్రియేకుని స్తోత్రింతుము
అనుపల్లవి : ఏపుగా దయాళుని పొగడెదము
పాప పరిహారుని పాడెదము
1. దూతలు స్తుతించు మహోన్నతుడు
కన్యమరియ యందు జన్మించెను
మహియందు చీకటి పోగొట్టి
ఇహపర సుఖముల దయచేసెను
|| దేవదేవుని ||
2. పాపశాపమును తీర్చను
పాట్లుపడెను దేవ గొఱ్ఱెపిల్ల
హా! మంచి గొఱ్ఱెల బోయడే
ప్రాణము నిచ్చెను మనకై
|| దేవదేవుని ||
3. పాపముల కడిగి రక్షించెను
కృపనిచ్చె వేచియుండుటకై
వైరిని జయింపను శక్తినిచ్చెను
నరులకు భాగ్యము నందించెను
|| దేవదేవుని ||
4. ఆకాశము నుండి దిగి వచ్చును
లోకమున్ న్యాయము తీర్చుటకై
ఆయత్తముగ కాచియుండెదము
పాయక వివేక కన్యల వలె
|| దేవదేవుని ||
5. తన స్వరూపము నే దాల్చను
ఆయనే నా రూపము దాల్చెన్
దాసుడనగు నన్ను రక్షింపన్
యేసు నరరూపము దాల్చెన్
|| దేవదేవుని ||
6. పాతాళ లోకము కూల్చవచ్చెన్
జాతి యడ్డుగోడ పడగొట్టెను
నిత్య జీవంబు నియ్యను వచ్చెను
నీతి సూర్యుడు ప్రభు యేసువే
|| దేవదేవుని ||
7. హల్లెలూయ పాడి ఆర్భటింతుము
హర్షముతో యేసున్ చాటెదము
బలుడైన తండ్రిని కీర్తింతుము
విలువ శుద్ధాత్మను శ్లాఘింతుము
|| దేవదేవుని ||