Songs of Zion

స్తోత్రము యేసునాథా నీకు సదా

by

“నేనెల్లప్పుడు యెహోవాను సన్నుతించెదను. నిత్యము ఆయన కీర్తి నా నోట నుండును.” కీర్తన Psalm 34:1

1. స్తోత్రము యేసునాథా నీకు సదా – స్తోత్రము యేసునాథా
స్తోత్రము చెల్లింతుము నీదు దాసులము – పిత్రపుత్రాత్మలకు

2. నేడు నీదు నామమందున – మేము చేరి స్తుతించునట్లు
చేసిన కృపకై నీకే నిరతము – స్తోత్రము చేసెదము

3. నీదు రక్తధారచే కలిగిన – సజీవ నవమార్గము
దాసులము తండ్రి సన్నిధి చేరను – నిత్యము స్వాతంత్ర్యము

4. ఇట్టి ప్రభావమైన పదవిని – పురుగులమగు మాకు
ఇంత దయతోడ నిచ్చిన కృపమా – కెంతయు నాశ్చర్యము

5. దూతల సైన్యములు శృంగార – గీతముల నెప్పుడు
రాజాధిరాజా నీ స్తుతులు పాడుచు – నార్భటించుచుందురు

6. నీవు తఫ్ఫ మాకు పరమందున – వేరెవరు గలరు?
ఇద్దరయందు నీవు తప్ప మాకు ఆదరణ ఎవరు?

దేవాది దేవుని భూజనులారా

by

“దేవదేవునికి కృతజ్ఞతాస్తుతులు చెల్లించుడి.” కీర్తన Psalm 136:2

పల్లవి : దేవాది దేవుని భూజనులారా – రండి స్తుతించ సదా

1. కరుణ కృపా ప్రేమ – మయుడైన దేవుడు
వరుసగ మనకన్ని – దయ చేయువాడు
|| దేవాది ||

2. వదలక అడుగుది – ఈయంబడు ననెన్
వెదకుడి తట్టుడి – తీయంబడు ననెన్
|| దేవాది ||

3. యేసుని పేరట – వేడిన దానిని
దాసుల కిడును – దేవుడు వేగమే
|| దేవాది ||

4. సుతుని ఇచ్చినవాడు – కొరత గానీయడు
ప్రేతిగా సమస్తము – నిచ్చును దయతో
|| దేవాది ||

5. సత్యమునందు – మనల నడిపించను
నిత్యాత్మను శాశ్వతముగా నెచ్చెను
|| దేవాది ||

6. ప్రాకటముగా నల్లెలూయ పాడుటకు
సకల మానవులు నిరతము స్తుతింపను
|| దేవాది ||

దావీదు వంశ యేసు క్రీస్తుకు – స్తుతి చెల్లించుడి

by

“ప్రభువు పేరట వచ్చువాడు స్తుతింపబడునుగాక. సర్వోన్నతమైన స్థలములలో జయము” మత్తయి Matthew 21:9

1. దావీదు వంశ యేసు క్రీస్తుకు – స్తుతి చెల్లించుడి
స్వర్గస్తులమగుటకు మనలను విడిపించిన ప్రభువునకు
హోసన్నా హోసన్నా – భువిలో సంతొషం

2. మానుజావతారమున భువికి వచ్చి
తన స్వంత జీవమును బలిగాను యిచ్చి
హోసన్నా యేసుని పేరట పరమును మనకొసగెన్

3. ప్రియ తండ్రీ ఈ భువిలో సకల మహిమయు నీకే
సూర్య చంద్ర సృష్టియావత్తు స్తుతియించి మహిమపరచున్
హోసన్నా హోసన్నా క్రొత్త యెరూషలేములో

స్తోత్రించెదము దైవకుమారుని

by

“నా పాదములు బండమీద నిలిపి నా అడుగులు స్థిరపరచెను.” కీర్తన Psalm 40:2

పల్లవి : స్తోత్రించెదము దైవకుమారుని – నూతన జీవముతో
నిరంతరము మారని రాజును – ఘనంబు చేయుదము

1. యేసు మా రక్షకుడు – కల్మషము లేనివాడు
సమస్తమును కలిగిన యేసు ప్రభునకే హల్లెలూయ
|| స్తోత్రించెదము ||

2. భయంకరమైన భీతిని గొల్పెడు – జిగట ఊబినుండి
బలమైన హస్తముతో నన్ను ఎత్తి – బండపై స్థిరపరచెను
|| స్తోత్రించెదము ||

3. కనుపాపగ నను కాయు ప్రభుండు – కునుకడు నిద్రించడు
తనచేతిలో ననుచెక్కిన ప్రభువును చేరి స్తుతించెదము
|| స్తోత్రించెదము ||

4. తల్లిదండ్రియు యెడబాసినను – విడువక కాయును
ఎల్లప్పుడు నేను భజియించెదను – వల్లభుడేసు ప్రభున్
|| స్తోత్రించెదము ||

5. ఆత్మీయ పోరాటమునకు ప్రభువు – ఆత్మశక్తినిచ్చెన్
స్తుతియు నీకే ఘనతయు నీకే – యుగయుగములలోన
|| స్తోత్రించెదము ||

ఆరాధనలకు యోగ్యుడవు

by

“వారు వధింపబడిన గొర్రెపిల్ల, శక్తియు మహిమయు స్తోత్రమును పొందనర్హుడని గొప్ప స్వరముతో చెప్పుచుండిరి” ప్రకటన Revelation 5:12

పల్లవి : ఆరాధనలకు యోగ్యుడవు – స్తుతి గీతంబులకు పాత్రుడవు
ప్రభుయేసు నిన్ను పూజింతును – మనసార నిన్నే కీర్తించ్తును
ఆరాధనలకు – యోగ్యుడవు

1. భరియించితివి నా రోగములన్ – భరియించితివి నా వ్యసనములన్
అరిగితివి నాకై కలువరికి – పరిహరించితివి పాప శిక్షన్
|| ఆరాధనలకు ||

2. నా యతిక్రమములకై గాయపడి – నా దోషములకై కొట్టబడి
చిందిన సిలువ రక్తములో – నా దారిద్ర్యము తొలగించితివి
|| ఆరాధనలకు ||

3. నశియించిన నను వెదకితివి – నశియించిన నను లేపితివి
నా శాపమును చూపించితివి – నీ శాంతముతో క్షమించితివి
|| ఆరాధనలకు ||