Songs of Zion

పూజనీయుడేసు ప్రభు

by

“ఆయన దూషింపబడియు బదులు దూషింపలేదు” 1 పేతురు Peter 2:23

పల్లవి : పూజనీయుడేసుప్రభు పలునిందల నొందితివా నాకై
పూజనీయుడేసు ప్రభు

1. నీ స్వకీయులే నిందించిన
నీన్నంగీకరించక పోయిన
ఎన్నో బాధ లొందితివా నాకై
సన్నుతింతును నీ ప్రేమకై
|| పూజనీయుడేసు ||

2. సత్యము మార్గము మరి జీవమై
నిత్యజీవమియ్యను వచ్చితివి
వంచకుడవ నిన్ను నిందించిర
ఓ దయామయ నజరేయుడ
|| పూజనీయుడేసు ||

3. యూదా గోత్రపు ఓ సింహమా
ఆద్యంతరహిత దైవమా
అధములు నిన్ను సమరయు డనిర
నాథుడా నిన్ను బహు దూషించిరా
|| పూజనీయుడేసు ||

4. దూషించు శత్రుసమూహములన్
దీవించి ఎంతో క్షమించితివి
దూషకుడవని నిన్ను దూషించిర
దోషరహితుడా నా యేసు ప్రభు
|| పూజనీయుడేసు ||

5. దయ్యములు నినుజూచి వణికినను
దయ్యముల పారద్రోలినను
దయ్యములు పట్టిన వాడనిర
ఓ దయామయ నా యేసు ప్రభు
|| పూజనీయుడేసు ||

6. మధురం నీ నామం అతి మధురం
మధుర గీతముతో నిన్నా రాధింతును
వధియించబడితివ యీ పాపికై
వందితా ప్రభు నిన్ను పూజింతును
|| పూజనీయుడేసు ||

అందరము ప్రభు నిన్ను కొనియాడెదము

by

“ప్రభువును స్తుతించుడి” ప్రకటన Revelation 19:1

పల్లవి : అందరము ప్రభు నిన్ను కొనియాడెదము
మహాత్ముండవు పరిశుద్ధుడవు
బలియైతివి లోకమును రక్షించుటకు

1. అపారము నీ బుద్ధిజ్ఞాన మెంతయో
సామర్థ్యుడవైన నీదు శక్తి గొప్పది
సర్వలోకము నీదు వశమందున్నది
|| అందరము ||

2. గొప్ప కార్యములు చేయు సర్వశక్తుడా
అద్భుతములు చేయు దేవ నీవే ఘనుడవు
శత్రువులను అణచునట్టి విజయశాలివి
|| అందరము ||

3. బండవైన ప్రభూ మమ్ము స్థిరపరచితివి
నీదు మార్గములు యెంతో అగమ్యంబులు
కుతంత్రము లేదు నీలో నీతిమంతుడవు
|| అందరము ||

4. కృపాళుండవైన యేసు దయగల దేవా
దయాకనికరములు గల దీర్ఘశాంతుడవు
వేల వేల తరములలో కృపను జూపెదవు
|| అందరము ||

5. క్షమించెదవు మానవుల పాపములెల్ల
విరోధులకు ప్రేమ జూపు దయామయుడవు
పాపములను ద్వేషించెడు న్యాయవంతుడా
|| అందరము ||

పొందితిని నేను ప్రభువా నీ నుండి

by

“చెప్ప శక్యము కాని ఆయన వరమును గూర్చి దేవునికి స్తోత్రము” 2 కొరింథీ Corinthians 9:15

పల్లవి : పొందితిని నేను ప్రభువా నీ నుండి
ప్రతి శ్రేష్టయీవిని ఈ భువియందు

1. జీవిత యాత్రలోసాగి వచ్చితిని – ఇంతవరకు నాకుతోడై యుండి
ఎబినేజరువైయున్న ఓ యేసు ప్రభువా – నా రక్షణ కర్తవు నీవైతివి
|| పొందితిని ||

2. గాలి తుఫానులలో నుండి వచ్చితిని – అంధకారశక్తుల ప్రభావమునుండి
నీ రెక్కల చాటున నను దాచితివయ్యా – నీవే ఆశ్రయ దుర్గం బైతివి
|| పొందితిని ||

3. కష్టదుఃఖంబులు నాకు కలుగగా – నను చేరదీసి ఓదార్చితివే
భయభీతి నిరాశలయందున ప్రభువా – బహుగా దైర్యంబు నా కొసగితివి
|| పొందితిని ||

4. నా దేహమందున ముల్లు నుంచితివి – సాతానుని దూతగా నలుగగొట్టన్
వ్యాధి బాధలు బలహీనతలందు – నీ కృపను నాకు దయచేసితివి
|| పొందితిని ||

5. నీ ప్రేమచేత ధన్యుడనైతిని – కృతజ్ఞతాస్తుతులు చెల్లించెదను
కష్టపరీక్షల యందున ప్రభువా – జయజీవితము నాకు నేర్పించితివి
|| పొందితిని ||

ఓ ప్రభు నీవే ధన్యుడవు

by

“క్రీస్తునందు … ప్రతి ఆశీర్వాదము మన కనుగ్రహించెను” ఎఫెసీ Ephesians 1:3-11

పల్లవి : ఓ ప్రభు నీవే ధన్యుడవు (2)
సృష్టి నిన్ను స్తుతించును నీ యోగ్యతను బట్టి (1)
ఉల్లసించుచున్నది అద్భుతము నీ సంకల్పం (2)

1. స్తుతి ప్రశంస ప్రభుయేసునకే క్రీస్తు నందు తండ్రి సర్వంచేయున్
పరమందలి ప్రతి ఆశీర్వాదం క్రీస్తు నందు మనకు సర్వంనొసగె
|| ఓ ప్రభు ||

2. జగత్తు పునాది వేయకమునుపే ఏర్పర్చుకొనె మనల క్రీస్తు ప్రభులో
పరిశుద్ధులుగా నిర్దోషులుగా జేసె పరలోక దీవెనలు మనకొసగె
|| ఓ ప్రభు ||

3. తనదు పరలోక సంకల్పము ద్వారా – తన కుమారులుగాను స్వీకరించె
ఒకదినము అధికారము మనకొసగును – యేసునందుకలదీ ఆశీర్వాదం
|| ఓ ప్రభు ||

4. తన కృపామహదైశ్వర్యమునుబట్టి తన వారిగమనల స్వీకరించె
తన రక్తముతో విమోచించి క్షమాపణ మనకు క్రీస్తులో నొసగె
|| ఓ ప్రభు ||

5. తన చిత్త మర్మములను తెలిపి కాలము సంపూర్ణమైనప్పుడు
తన చిత్తము ద్వారా సర్వము చేసిన తన స్వాస్థ్యముగా మనల జేసెను
|| ఓ ప్రభు ||

నా ప్రభు ప్రేమించెను (2)

by

“నన్ను ప్రేమించి నా కొరకు తన్ను తాను అప్పగించుకొనెను” గలతీ Galatians 2:20

పల్లవి : నా ప్రభు ప్రేమించెను (2)
నన్ను ప్రియుడైన క్రీస్తు ప్రేమించెను
నాకై తానే అర్పించుకొనెను (2)

1. ప్రేమించెను నన్ను ప్రేమించెను – పరిమళ సువాసన ప్రభువాయెను
యెహోవా సన్నిధిలో అర్పించెను (2) మహాబలి గావించెను
|| నా ప్రభు ||

2. శాశ్వత ప్రేమతో ప్రేమించెను – సంఘమును క్రీస్తు ప్రేమించెను
దాని కొరకు క్రీస్తు సర్వమిచ్చెను – తన ప్రాణమును అర్పించెను
|| నా ప్రభు ||

3. మొదటాయనే నన్ను ప్రేమించెను – తన్ను ప్రేమింపను నేర్పించెను
దేవుడే ప్రేమామయుడని తెల్పెను – ప్రియముగ ప్రాయశ్చిత్తంబాయెను
|| నా ప్రభు ||

4. లోకమును ఎంతో ప్రేమించెను – కార్చెను రక్తము పాపులకై
కడిగెను నన్ను తన రక్తముతో – నాకై మరణము సహించెను
|| నా ప్రభు ||

5. ప్రభువా నిన్నే ప్రేమింతును – నీ నామమునే ప్రేమింతును
నీ రక్షణ నాకు ప్రియమైనది – నీ మందిరమున్ ప్రేమింతును
|| నా ప్రభు ||