Songs of Zion

“యెహోవా మందిరమునకు వెళ్లుదమని జనులు నాతో అనినప్పుడు నేను సంతోషించితిని.” కీర్తన Psalm 122

1.యెహోవా మందిరమునకు వెళ్లుదమని
జనులు అనినప్పుడు సంతోషించితిని

పల్లవి : యెహోవా మందిరమునకు నడిచెదము

2. యెరూషలేము నగరు నీ గుమ్మములలో
మా పాదములు బాగుగా నిలుచుచున్నవి
|| యెహోవా ||

3. యెరూషలేమా బాగుగా కట్టబడిన
పట్టణమువలె కట్టబడియున్నావు
|| యెహోవా ||

4. అక్కడ ఇశ్రాయేలుకు సాక్షముగా
దేవుని జనము స్తుతించ వెళ్ళును
|| యెహోవా ||

5. జనముల యొక్క గోత్రములు
యెహోవా నామమును స్తుతింప వెళ్ళును
|| యెహోవా ||

6. అక్కడ దావీదు వంశీయుల యొక్క
నీతి సింహాసనము స్థాపించబడెను
|| యెహోవా ||

7. యెరూషలేము క్షేమము కొరకు
యెడతెగక ప్రార్థన చేయుడి
|| యెహోవా ||

8. యెరూషలేమా నిన్ను ప్రేమించువారు
యెన్నడును వర్ధిల్లెదరు గాక
|| యెహోవా ||

9. నీ ప్రాకారములలో నెమ్మది
నీ నగరులలో క్షేమముండును గాక
|| యెహోవా ||

10. నా సహోదర సహవాసుల నిమిత్తము
క్షేమము కలుగునని నేనందును
|| యెహోవా ||

11. దేవుడైన యెహోవా మందిరమును బట్టి
నీకు మేలుచేయ ప్రయత్నించెదను
|| యెహోవా ||

“నా శ్రమలో నేను యెహోవాకు మొఱ్ఱపెట్టితిని. ఆయన నాకు ఉత్తరమిచ్చెను.” కీర్తన Psalm 120

పల్లవి : నా శ్రమలో నేను యెహోవాకు మొఱలిడితిని

1. నాకాయన ఉత్తరమిచ్చెన్ – అబద్ధమాడు వారి నుండి
యెహోవా నా ప్రాణమును విడిపించుము
|| నా శ్రమలో ||

2. మోసకరమగు నాలుకా – ఆయన నీకేమి చేయును?
తంగేడు నిప్పుల బాణముల నీపై వేయును
|| నా శ్రమలో ||

3. అయ్యో నేను మెషెకులో – పరదేశినై యున్నాను
కేదారు గుడారముల యొద్ద కాపురమున్నాను
|| నా శ్రమలో ||

4. కలహప్రియుని యొద్ద – చిరకాలము నివసించితిని
నేను కోరునది సమాధానమే
|| నా శ్రమలో ||

5. అయినను మాట నా నోట వచ్చిన తోడనే వారు
యుద్ధమునకు సిద్ధము అయ్యెదరు
|| నా శ్రమలో ||

“నేను నీ ఆజ్ఞలయందు నమ్మిక యుంచియున్నాను. మంచి వివేచన మంచి జ్ఞానము నాకు నేర్పుము. శ్రమకలుగక మునుపు నేను త్రోవ విడిచితిని. ఇప్పుడు నీ వాక్యము ననుసరించి నడుచుకొనుచున్నాను.” కీర్తన Psalm 119:65-72

పల్లవి : యెహోవా నీ యొక్క మాట చొప్పున
నీ దాసునికి మేలు చేసియున్నావు

1. మంచి వివేచన మంచి జ్ఞానమునకు – కర్త నీవే నాకు బోధ చేయుము
నీ యాజ్ఞలందు నమ్మిక నుంచితిని
|| యెహోవా ||

2. నాకు శ్రమ కలుగక మునుపు – నా దేవా నేను త్రోవ వీడితిని
నేడు నీ మాట నెరవేర్చు చున్నాను
|| యెహోవా ||

3. దేవా నీవు దయగలవాడవు – దేవా నీవు మేలు చేయుచున్నావు
నీ కట్టడల నాకు బోధించుము
|| యెహోవా ||

4. గర్విష్ఠులు నాకు విరోధముగా – కల్పించుదురెన్నో అబద్ధములు
నీ యుపదేశము లనుసరింతును
|| యెహోవా ||

5. వారి హృదయములు క్రొవ్వువలె – చాల మందముగానై యున్నవి
.ఆజ్ఞలలో ఆనందించుచున్నాను
|| యెహోవా ||

6. దేవా నేను నీ కట్టడలను – నేర్చుకొనునట్లు శ్రమల నొంది
యుండుట నాకు యెంతో మేలాయెను
|| యెహోవా ||

7. వేలాది వెండి నాణెముల కంటె – వేలాది బంగారు నాణెముల కంటె
నీ విచ్చిన ఆజ్ఞలు నాకు మేలు
|| యెహోవా ||