Songs of Zion

దేవా తరతరములకు మాని-వాస స్థలము నీవే

by

పల్లవి : దేవా తరతరములకు మాని-వాస స్థలము నీవే

1. మా దోషములను నీవు నీ యెదుట – నుంచుకొని యున్నావు
నీ ముఖకాంతిలో మా రహస్య పా-పములు కనబడుచున్నవి
|| దేవా ||

2. మా దినములన్ని గడిపితిమి – నీ యుగ్రత భరించుచు
నిట్టూర్పులు విడచినట్లు మా జీ-వితము జరుపుకొందుము
|| దేవా ||

3. డెబ్బది సంవత్సరములేగా – మాదు ఆయుష్కాలము
అధిక బలమున్న యెడల యెనుబది – సంవత్సరములగును
|| దేవా ||

4. అయినను వాటి వైభవమంత – ఆయాసమే దుఃఖమే
అది త్వరగా గతించును మే-మెగిరి పోయెదము
|| దేవా ||

5. నీకే జెందవలసినట్టి భయము – కొలది పుట్టినట్టి
నీదు ఆగ్రహ క్రోధ బలము – ఎవ్వరికి తెలియున్
|| దేవా ||

6. మాకు నీ జ్ఞాన హృదయమును – కలుగునట్లు చేయుము
మాదినములు లెక్కించుటకు – మాకు నీవే నేర్పుము
|| దేవా ||

ప్రభువా తరతరముల నుండి – మాకు నివాసస్థలము నీవే

by

1. ప్రభువా తరతరముల నుండి – మాకు నివాసస్థలము నీవే
యుగ యుగములకు నీవే మా
దేవుడవు, దేవుడవు, దేవుడవు, దేవుడవు

2. పర్వతములు పుట్టకమునుపు భూమిని లోకమును నీవు
పుట్టింపక మునుపే నీవు
వున్నావు, వున్నావు, వున్నావు, వున్నావు

3. నరపుత్రుల మంటికి మార్చి – తిరిగి రండని సెలవిచ్చెదవు
వేయి సంవత్సరములు నీకు
జామువలె, జామువలె, జామువలె, జామువలె

4. నీదు దుష్టికి వేయి ఏండ్లు – గతించిన నిన్నటి వలె నున్నవి
రాత్రి యందొక జాముకు సమముగ
నున్నవి, వున్నవి, వున్నవి, వున్నవి

5. నీవు వారిని పారగొట్టగ – వరద చేతనైన రీతి
గడ్డివలె చిగిరించి వాడి
పోయెదరు, పోయెదరు, పోయెదరు, పోయెదరు

6. ప్రొద్దుట మొలిచి చిగిరించును – సాయంతరమున కోయబడును
వాడబారును నీ కోపముచే
క్షీణించున్, క్షీణించున్, క్షీణించున్, క్షీణించున్

7. నీదు కోపము వలన మేము – క్షీణించు చున్నాము దేవా
నీ యుగ్రతను బట్టి దిగులు
పొందెదము, పొందెదము, పొందెదము, పొందెదము

ప్రభువు సెలవిచ్చుదాని నాలకింతును

by

1. ప్రభువు సెలవిచ్చుదాని నాలకింతును
విభుని ప్రజలు శుద్ధులకు సమాధానము

2. వారు మరల బుద్ధిహీనులు గాక యుందురు
గురునికి వారలు జనులుగా నుండెదరు

3. మన దేశమందు దైవ మహిమ వసించునట్లుగా
తన భక్తులకు రక్షణ సమీప మాయెను

4. కృపాసత్యములు ఒకటి నొకటి కలిసికొనినవి
నీతి సమాధానములు ముద్దు పెట్టుకొనినవి

5. భూలోకము లోనుండి సత్యము మొలుచు
నాకాశములోనుండి నీతి పారజూచును

6. దేవుడుత్తమమైనదాని ననుగ్రహించును
ఈ వసుధర దాని ఫలము లధికమిచ్చును

7. ఆయన ముందు నీతి నడచు చుండునట్లుగా
ఆయన అడుగు జాడలలో మేము నడతుము

సైన్యముల యెహోవా

by

పల్లవి : సైన్యముల యెహోవా

1. యెహోవా మందిరము చూడవలెనని
నా ప్రాణమెంతో ఆశతో సొమ్మసిల్లెను
|| సైన్యముల ||

2. జీవముగల దేవుని దర్శించ నా హృదయము
నా శరీర మానంద కేక వేయుచున్నది
|| సైన్యముల ||

3. సైన్యముల యెహోవా నా రాజా నీ బలి
పీఠమునొద్దనే పిచ్చుకలకు గూళ్ళు దొరికెను
|| సైన్యముల ||

4. పిల్లలు పెట్టుటకు వానకోవెలకు
గూటి స్థలము దొరికెను నా దేవా
|| సైన్యముల ||

5. నీ మందిరములో నుండువారు ధన్యులు
వారు నిత్యము నిన్ను సన్నుతించెదరు
|| సైన్యముల ||

6. నీవలన బలము నొందు వారు ధన్యులు
యాత్ర మార్గము లతి ప్రియములు వారికి
|| సైన్యముల ||

7. వారు బాకా లోయలోబడి వెళ్లుచు
దానిని జలమయముగా చేయుదురు
|| సైన్యముల ||

7. తొలకరి వాన దాని దీవెనలతో కప్పును
వారు బలాభివృద్ధి నొందుచు వెళ్ళుదురు
|| సైన్యముల ||

7. వారిలో ప్రతివాడు సీయోనులోని
దేవుని సన్నిధిలో కనబడును
|| సైన్యముల ||

మన బలమైన యాకోబు దేవునికి

by

పల్లవి : మన బలమైన యాకోబు దేవునికి
గానము సంతోషముగా పాడుడీ

అనుపల్లవి : పాటలు పాడి గిలక తప్పెట కొట్టుడి
సితార స్వరమండలము వాయించుడి

1. అమావాస్య పున్నమ పండుగ దినములందు
కొమ్మునూదుడి యుత్సాహముతోడ
యాకోబు దేవుడు నిర్ణయించిన
ఇశ్రాయేలీయుల కది కట్టడ
|| మన బలమైన ||

2. తానైగుప్తులో తిరిగినప్పుడు
యోసేపు సంతతికి సాక్షముగ
నిర్ణయించెను దేవుడు అచ్చట
నే నెనుగని భాషను నే వింటిని
|| మన బలమైన ||

3. తమభుజము నుండి బరువు దింపగ
మోతగంపల భారము దప్పెను
నీవాపదయందు మొఱపెట్టగా
విడిపించిన యెహోవాను నేనే
|| మన బలమైన ||

4. ఉరుము దాగుచోటులో నుండినే
ఉత్తరమిచ్చి నిన్ను శోధించితిని
మెరీబా జలముల యొద్ద నిన్ను
నా ప్రజలారా నా మాట వినుడి
|| మన బలమైన ||

5. ఇగుప్తు దేశములో నుండి నిన్ను
రప్పించిన యెహోవా దేవుడను
నీవు నీ నోరు బాగుగా తెరువుము
నేను నింపెదను మంచి వాటితో
|| మన బలమైన ||

6. అతి శ్రేష్ఠమైన గోధుమలను
అనుగ్రహించి పోషించెద నిన్ను
కొండ తేనెనిచ్చి కడు ప్రేమతో
తృప్తి పరచెదను నిత్యముగా
|| మన బలమైన ||

7. అయ్యో ఇశ్రాయేలు నీవు నా మాట
వినిన పక్షాన ఎంత మేలగు
అన్యదేవతల నెవ్వరికిని
నీవు ఎన్నడు పూజ చేయరాదు
|| మన బలమైన ||