Songs of Zion

యెహోవా కొరకు సహనముతో కనిపెట్టన్

by

పల్లవి : యెహోవా కొరకు సహనముతో కనిపెట్టన్
నాకు చెవియొగ్గి నా మొఱ నాలకించెన్
నాశనమగు గుంటలో నుండియు
జిగటగల దొంగయూబి నుండి నన్ పై కెత్తెను

1. నా పాదములను బండపై నిలిపి
నా యడుగులు దానిపై స్థిరపచి
క్రొత్త గీతమును నా నోట నుంచెను
కోట్ల కొలది యెహోవాను నమ్మెదరు
|| యెహోవా ||

2. గర్విష్టుల నబద్ధికులను లక్ష్యపెట్టక
ఘనుడెహోవాను నమ్మువాడే ధన్యుండు
దయామయా మా యెడల నీకున్న
తలంపులు బహు విస్తారములు
|| యెహోవా ||

3. వాటిని వివరింప లేనిల నీకు
సాటియైన వాడెవడైనను లేడు
నైవేద్య బలులను కోరలేదు
నాకు చెవులను నీవు నిర్మించినావు
||యెహోవా ||

4. పాపపరిహార బలులను దహన
బలులను నీవు తెమ్మన లేదు
నన్ను గూర్చి గ్రంథములో వ్రాసి
యున్నట్లుగా నేను వచ్చియున్నాను
|| యెహోవా ||

5. నీ చిత్తముచేయ నాకు సంతోషము
నా ఆంతర్యములో నీ శాసనములున్నవి
ప్రజా సంఘములో నీ నీతి సువార్త
ప్రకటించియున్నానని నేనంటిని
|| యెహోవా ||

6. నీ నీతిని నా మదిలో దాల్చి
నీతి నిలయ నే నూరకుండ లేదు
సంఘములో నీ రక్షణ కృపను
సత్యమును నే దాచలేదు
|| యెహోవా ||

యెహోవా నీ కోపము చేత – గద్దింపకుము – ఆ

by

1. యెహోవా నీ కోపము చేత – గద్దింపకుము – ఆ
నీదు యుగ్రతచే నన్ను – శిక్షింపకుము

2. నాలో గట్టిగా నీ బాణములు – నాటి యున్నవి – ఆ
నా మీద నీ చెయ్యి భార – ముగా నున్నది

3. నీ కోపముచే నా యారోగ్యము – విడిచిపోయెను – ఆ
పాపముచే నా యెముకలలో – స్వస్థత లేదు

4. నా దోషములు నా తలమీద – పొర్లిపోయినవి – ఆ
నాపై మోయలేని బరువు – వలె నున్నవి

5. మనోవేదన బట్టి కేకలు – వేయుచున్నాను – ఆ
కనబడుచున్నది నీకు నా యభి – లాషయంతయు

6. నా నిట్టూర్పులు నీకు దాచ – బడియుండలేదు – ఆ
నా గుండె కొట్టుకొని బలము – విడచిపోయెను

7. నా దోషమును నేను ఒప్పుకొనుచున్నాను – ఆ
నా పాపమును గూర్చి విచారపడుచున్నాను

8. నా శత్రువులు చురుకై బలము – కలిగిన వారు – ఆ
నన్నుచితముగా ద్వేషించు వారు అనేకులు

9. మేలుకు ప్రతిగా వారు – కీడు – చేయుచున్నారు – ఆ
మేలు చేసినందుకు వారు – విరోధులైరి

10. దేవా నాకు దూరముగా – నుండకుము ప్రభో – ఆ
రక్షకా నా సహాయమునకు – వేగమే రమ్ము

వ్యసనపడకుము నీవు – చెడ్డవారలను జూచినయపుడు

by

పల్లవి : వ్యసనపడకుము నీవు – చెడ్డవారలను జూచినయపుడు
మత్సరపడకుము నీవు – దుష్కార్యములు చేయువారిని జూచి

1. వారు గడ్డివలె త్వరగా – ఎండిపోదురు
పచ్చని కూరవలె వారు – వాడిపోవుదురు – ఆ … నీవు
|| వ్యసనపడకుము ||

2. యెహోవా యందు నమ్మికయుంచి – మేలు చేయుము
దేశమందు నివసించి సత్యము – ననుసరించుము – ఆ … నీవు
|| వ్యసనపడకుము ||

3. నీదు మార్గము యెహోవాకు అప్పగింపుము
ఆయనను నమ్ముకొనుము నీదు – కార్యము నెరవేర్చును … నీవు
||వ్యసనపడకుము ||

4. కోపము మానుము ఆగ్రహము విడిచిపెట్టుము
వ్యసనపడకుము నీ కది – కీడు కే కారణము … నీవు
|| వ్యసనపడకుము ||

5. ఒకని నడత యెహోవాయే – స్థిరము చేయును
ఆయన వాని ప్రవర్తనను జూచి – ఆనందించును – ఆ … నీవు
||వ్యసనపడకుము||

6. యెహోవా అతని చేతిని – పట్టి యుండెను
అతడు నేలను పడినను లేవ – లేక యుండడు – ఆ … నీవు
|| వ్యసనపడకుము ||

7. నీతిమంతులు విడువబడుటగాని – వారి సంతానము
భిక్షమెత్తుటగాని – నేను చూచి యుండలేదు – ఆ … నీవు
|| వ్యసనపడకుము ||

పిల్లలారా నా మాట వినుడి

by

పల్లవి : పిల్లలారా నా మాట వినుడి
యెహోవా యందు భక్తి నేర్పెదను

1. బ్రతుక గోరువాడెవడైన కలడా?
మేలునొందుచు చాలా దినములు
|| పిల్లలారా ||

2. కపటమైన చెడుమాటలాడక
కాచుకొనుము నీదు పెదవులను
|| పిల్లలారా ||

3. కీడు మాని మేలునే చేయుము
సమాధానము వెదకి వెంటాడు
|| పిల్లలారా ||

4. యెహోవా దృష్టి నీతిమంతులపై
కలదు వారి మొఱల వినును
|| పిల్లలారా ||

5. దుష్టుల జ్ఞాపకమున్ భూమినుండి
కొట్టివేయు తన సన్నిధి నుండి
|| పిల్లలారా ||

6. నీతిమంతులు మొఱ పెట్టగా
విని శ్రమల నుండి తప్పించును
|| పిల్లలారా ||

7. విరిగినట్టి హృదయములకు
యెహోవా ఆసన్నుడై యున్నాడు
|| పిల్లలారా ||

8. నలుగియున్న వారల నెల్ల
ఆయనే రక్షించు ప్రేమగల్గి
|| పిల్లలారా ||

సన్నుతింతు నెప్పుడెహోవాను

by
పల్లవి : సన్నుతింతు నెప్పుడెహోవాను
తన కీర్తి నా నోట నుండును

1. అతిశయింతు నెహోవానుబట్టి
సంతోషింతురు దీనులు విని
|| సన్నుతింతు ||

2.ఘనపరచుడి దేవుని పేరు
గొప్ప చేయుదము ఏకముగా
|| సన్నుతింతు ||

3. తనయొద్ద నే విచారించగా
తప్పించె నన్ను భయముల నుండి
|| సన్నుతింతు ||

4. తనను చూడగ వెల్గు కలిగెను
తమ ముఖములు లజ్జింపకుండె
|| సన్నుతింతు ||

5. యెహోవా భక్తులందరి చుట్టు
దూత కావలి యుండి రక్షించు
|| సన్నుతింతు ||

6. దేవుడుత్తముడని రుచిచూడు
ధన్యుడు తన్నాశ్రయించువాడు
|| సన్నుతింతు ||

7. ఆకలెత్తు సింహపు పిల్లలకు
ఆశ్రితుల కేమి కొదువలేదు
|| సన్నుతింతు ||