“యెహోవా నా కాపరి నాకు లేమి కలుగదు.” కీర్తన Psalm 23
పల్లవి : యేసు ప్రభూ కాపరి నాకు – వాసిగా స్తుతించెదన్
యేసు గొఱ్ఱెపిల్లను – పోయెదను తన వెంట
1. పచ్చిక పట్లకు – మచ్చికతో నడుపున్
స్వచ్ఛ జలముచెంత – నిచ్చును విశ్రాంతి
ముందు ముందు వెళ్లుచు – పొందుగా రక్షించు నన్ను
తన మాధుర్య స్వరంబున – తనివి దీర్చును
|| యేసు ప్రభూ ||
2. మరణపులోయ ద్వారా – సరిగా నడిపించును
అడవి భయములెల్ల – ఎడబాపి రక్షించున్
హత్తి ఒత్తి కట్టి గాయా – లెంతో ఆదరించును
వింతగు ఆయన ప్రేమ సేవలో – సంతోషింతును
|| యేసు ప్రభూ ||
3. శత్రుల ముందాహారం – సంసిద్ధము జేయును
నా గిన్నె నిండించి – పొర్లి పారజేసి
కడిగి కడిగి శుద్ధిచేసి – ఆత్మదానమిచ్చెను
వడిగా ఆయన సాయమున – జయమున వెళ్ళెదను
|| యేసు ప్రభూ ||