“యెహోవా నీవే నన్ను సురక్షితముగా నివసింపజేయుదువు.” కీర్తన Psalm 4:8
పల్లవి : ప్రణుతింతుము మా యెహోవా
పరిపూర్ణ మహిమ ప్రభావా
ప్రబలెన్ నీ రక్షణ మా విభవా
1. నేను నిదురబోయి మేలు కొందును
నాపైన పదివేలు మోహరించినను
నేనెన్నడు వెరువబోను
|| ప్రణుతింతుము ||
2. నా మీదికి లేచి భాధించువారు
వానికి రక్షణ లేదనువారు
వేలాదిగా నిల్చినారు
|| ప్రణుతింతుము ||
3. యెలుగెత్తి యెహోవా సన్నిధియందు
విలపించి వేడినయట్టి దినమందు
వింతగ రక్షించితివంచు
|| ప్రణుతింతుము ||
4. రక్షణనిచ్చుట మన యెహోవాది
రారాజు ప్రజలకు ఆశీర్వాదంబు
రంజిల్లు నీ ధరణియందు
|| ప్రణుతింతుము ||
5. నీ అందచందాల మోము మెరిసింది
నీ మాటలమృత ధారలొలికింది
నిన్నే ప్రేమించి పూజింతున్
|| ప్రణుతింతుము ||