“ఆయన నీ దోషములన్నిటిని క్షమించువాడు. నీ సంకటములన్నిటిని కుదుర్చువాడు.” కీర్తన Psalm 103
పల్లవి : నా ప్రాణమా నా సర్వమా – ఆయన పరిశుద్ధ నామమునకు
సదా స్తుతులను చెల్లించుమా – మరువకు ఆయన మేలులను
1. క్షమించును నీ పాపములను – కుదుర్చును నీ రోగములను
కీడు నుండి నీ ప్రాణమును రక్షించి – కరుణా కిరీటము దయచేయును
|| నా ప్రాణమా ||
2. పడమటికి తూర్పెంత దూరమో – పాపములన్నియు దూరపరచెను
తండ్రి తన తనయులపై జాలిపడునట్లు – భక్తుల యెడల జాలిపడును
|| నా ప్రాణమా ||
3. నిన్ను మేలులతో తృప్తి పరచున్ – నీ యౌవనము నూతన పరచును
బాధితులకు బహున్యాయము తీర్చు – యెహోవా యెంతో దయాళుడు
|| నా ప్రాణమా ||
4. మనము నిర్మింప బడినరీతి – మంటి వారమని ప్రభు యెరుగును
గడ్డి పువ్వువలె నున్నది మన బ్రతుకు – గాలి వీచగ అది యెగిరిపోవున్
|| నా ప్రాణమా ||
5. స్థిరపరచె తన సింహాసనము – సర్వలోకమును యేలు చుండె
నీ యాజ్ఞలను పాలించెదము – నా ప్రాణమా ప్రభున్ స్తుతించుమా
|| నా ప్రాణమా ||