సాత్వీకుడా దీనులను

సాత్వీకుడా దీనులను కరుణించే నా యేసయ్య

సమ్మతి కలిగిన మనస్సుతో నిమ్మళముగా నేను బ్రతుకుటకు

సమృద్ది అయిన కృపతో నింపుము

నిత్యము నీ సన్నిధిలో నన్ను నిలుపుము


1.ఈర్షా ద్వేషాలతో పాడైన పుడమిపై

నిలువ నీడ కరువై శిలువపై ఒంటరయ్యావు

అల్పకాల శ్రమలకే అలసిన నా హృదయములో

సహనము కలిగించి నడుపుము నను తుది వరకు


2.కలతల కెరటాలలో నా తోడుగా నిలిచావు

ఉప్పొంగిన సంద్రమే నిమ్మలమై మౌనమూనింది

గుండెలో నిండిన స్తుతి నొందే పూజ్యుడా

మమకారపు గుడిలో నిన్నే కొలిచెదనయ్య

అనురాగాలు కురిపించే నీ ప్రేమ తలచి

అనురాగాలు కురిపించే నీ ప్రేమ తలచి
అరుదైన రాగాలనే స్వరపరచి
ఆనందగానలే సప్త స్వరాలుగా నే పాడనా
యేసయ్య నా హృదయ సీమను ఏలుమయ
నీ దివ్య సన్నిది చాలునయ
1.నీ జ్ఞాన ఆత్మయే వికసింపచేసెను నన్ను
సర్వ సత్యములలో నే నడచుటకు
మరపురాని మనుజాశాలను విడిచి
మనసార కొనియాడి జీవించెద ఇక నీ కోసమే

2.అపురూప దర్శనమే బలపరుచుచున్నది నన్ను
వెనుదిరిగి చూడక పోరాడుటకు
ఆశ్చర్యకరమైన నీ కృప పొంది
కడవరకు నీ కాడినే మోయుట నా తుది నిర్ణయమే

3.నీ నీతి నియమములే నడిపించుచున్నది నన్ను
స్వర్ణ కాంతిమయమైన నగరము కొరకు
అమూల్యమైన విశ్వాసము పొంది
అనుక్షణము నిన్ను తలచి హర్షించేనే నాలో నా ప్రాణమే