“అబ్రామా, భయపడకుము; నేను నీకు కేడెము, నీ బహుమానము అత్యధికమగును” ఆదికాండము Genesis 15:1

పల్లవి : కృపాతిశయముల్ ఓ నా యెహోవా – నిత్యమున్ కీర్తింతును
తరతరములకు నీ విశ్వాస్యతన్ – తెలియ జేసెదను

1. యెహోవా వాక్కు దర్శనమందు – అబ్రామునకు వచ్చెను
అబ్రామా భయపడకు – 2
నీ కేడెమును – బహుమానము నేనై యున్నాననెను – 2
|| కృపాతిశయముల్ ||

2. నా నిబంధనన్ ఏ నాటికిన్
రద్దుపరచనని పల్కెన్ – మార్చవు నీ మాటను
నీ పెదవులతో పల్కిన దానిని దృఢము చేతువు
|| కృపాతిశయముల్ ||

3. శాశ్వతమైనదా ప్రభుత్వము – తొలగిపోదే నాటికిన్
లయము కాదు ఆ రాజ్యం
మహిమ ఘనత ఆధిపత్యమును నీవాయెన్ నిత్యము
|| కృపాతిశయముల్ ||

4. నీ నిబంధనన్ దావీదుతోడని లేవీయులతో జేసితివి
ఆకాశ తారల వలెన్
సముద్ర ఇసుక రేణువులంతగ జేసెదనంటివి
|| కృపాతిశయముల్ ||

5. దివారాత్రులతో నా నిబంధన
మార్చెదరా మీరు మీరునట్లు – అట్లయిన భంగమగున్
దావీదుతోనే జేసినయట్టి నిబంధనంటివి
|| కృపాతిశయముల్ ||

6. సింహాసనమున దావీదు – సంతతి యుండక మానదు
లేవీయుల్ యాజకులన్
నా పరిచారకులందరిన్ ఫలింపజేసెదనంటివి
|| కృపాతిశయముల్ ||

7. యెహోవా నీ కృప కార్యములన్నియు
వీనుల విందుగ నొప్పుచుండె
శ్లాఘింతున్ మనసారగన్
హల్లెలూయ – స్తోత్రములతో – కీర్తింతు నిత్యము
|| కృపాతిశయముల్ ||

“తన సొంతకుమారుని అనుగ్రహించుటకు వెనుకతీయక మన అందరికొరకు ఆయనను అప్పగించినవాడు ఆయనతో పాటు సమస్తమును మనకెందుకు అనుగ్రహింపడు?” రోమీయులకు Romans 8:32

పల్లవి : ఓ జగద్రక్షకా విశ్వవిధాత – రక్షణ నొసగితివి
సర్వకృపలకు దాతవు నీవే – బలియైతివి మాకై

1. కృపద్వారా రక్షణ మాకొసగె – విశ్వాసము ద్వారానే
అపాత్రులమైనట్టి మాకు – యిది నీ వరమేగా
|| ఓ జగద్రక్షకా ||

2. పాపములో మేము మరణించినప్పుడు – వచ్చితివి యిలకు
ప్రభువా మేము నీ చెంతనుండ – జీవము నిచ్చితివి
|| ఓ జగద్రక్షకా ||

3. పాపభారముచే పడిచెడియున్న – మమ్మును గాంచితివి
కృప ద్వారానే మమ్మును పిలిచి శాంతిని వొసగితివి
|| ఓ జగద్రక్షకా ||

4. రక్షణ సందేశమును ప్రభువా ప్రచురము చేసితివి
రయముగ విశ్వసించిన మాకు ఆత్మను వొసగితివి
|| ఓ జగద్రక్షకా ||

5. మరుగైన వాటిని అజ్ఞానులకు బయలుపరచితివి
మర్మములను గ్రహియించుటకు జ్ఞానము నొసగితివి
|| ఓ జగద్రక్షకా ||

6. సేవను మాకు నిచ్చితివయ్యా యుగయుగముల వరకు
శక్తిమంతులమై నిను స్తుతియింప విజయము నొసగితివి
|| ఓ జగద్రక్షకా ||