“నా పాదములు బండమీద నిలిపి నా అడుగులు స్థిరపరచెను.” కీర్తన Psalm 40:2

పల్లవి : స్తోత్రించెదము దైవకుమారుని – నూతన జీవముతో
నిరంతరము మారని రాజును – ఘనంబు చేయుదము

1. యేసు మా రక్షకుడు – కల్మషము లేనివాడు
సమస్తమును కలిగిన యేసు ప్రభునకే హల్లెలూయ
|| స్తోత్రించెదము ||

2. భయంకరమైన భీతిని గొల్పెడు – జిగట ఊబినుండి
బలమైన హస్తముతో నన్ను ఎత్తి – బండపై స్థిరపరచెను
|| స్తోత్రించెదము ||

3. కనుపాపగ నను కాయు ప్రభుండు – కునుకడు నిద్రించడు
తనచేతిలో ననుచెక్కిన ప్రభువును చేరి స్తుతించెదము
|| స్తోత్రించెదము ||

4. తల్లిదండ్రియు యెడబాసినను – విడువక కాయును
ఎల్లప్పుడు నేను భజియించెదను – వల్లభుడేసు ప్రభున్
|| స్తోత్రించెదము ||

5. ఆత్మీయ పోరాటమునకు ప్రభువు – ఆత్మశక్తినిచ్చెన్
స్తుతియు నీకే ఘనతయు నీకే – యుగయుగములలోన
|| స్తోత్రించెదము ||