“యెహోవా నీ కృప ఆకాశము నంటుచున్నది.” కీర్తన Psalm 36:10

పల్లవి : ఆశ్చర్యకరుడ వీవే – యెహోవా నీవే ధన్యుడవు

1. నీ కృప నింగినంటెను
వచ్చినవారే దయ పొందెదరు – నీవే దయాళుడవు
|| ఆశ్చర్యకరుడ ||

2. నీ విశ్వాస్యత గొప్పది
ఉన్నతమైనది అందరి యెడల – ఎన్నడు మారనిది
|| ఆశ్చర్యకరుడ ||

3. నీ నీతి స్థిరమైనది
పరిశీలించెదవు యెల్ల ప్రజలను – సరిదిద్దువాడ వీవే
|| ఆశ్చర్యకరుడ ||

4. అమూల్యము నీ కరుణ
వచ్చినవారికి ఆశ్రయమిచ్చి – రెక్కలతో కప్పెదవు
|| ఆశ్చర్యకరుడ ||

5. నీ యింట తృప్తిగలదు
ఆనంద జలములను త్రాగనిచ్చెదవు – నీ ప్రజలందరికి
|| ఆశ్చర్యకరుడ ||

6. నీ ప్రకాశము నిలుచు
నిన్నెరిగియున్న వారిపై నిరతం – మెండైన కృపనిత్తువు
|| ఆశ్చర్యకరుడ ||

“ఆ పట్టణము … శుద్ధ సువర్ణముగా వున్నది” ప్రకటన Revelation 21:18

పల్లవి : దేవునికే మహిమ (2)
యుగయుగములకు కలుగును గాక (2)
దేవునికే మహిమ (2)

1. దేనికి దేవుడు శిల్పియు నిర్మాణకుడో
దానికి మనలను వారసుల జేసెను
వందనములను చెల్లింతము
|| దేవునికే ||

2. నిలవరమైనది మనకిల లేదని
వల్లభుడు స్థిరపరచెను పరమందు
చెల్లించి స్తుతులను పూజింతుము
|| దేవునికే ||

3. సీయోను పురమగు దేవుని నగరుకు
సొంపుగ తెచ్చెను తన కృప ద్వారానే
స్తోత్రగీతములను పాడెదము
|| దేవునికే ||

4. పరదేశులుగా మనలను చేయక
ప్రభుని యింటికి వారసులుగ జేసె
పాడి పొగడెదము మన ప్రభుని
|| దేవునికే ||

5. శుద్ధ సువర్ణముతో అలంకరింపబడిన
ముత్యాల గుమ్మముల పురమందు జేర్చెను
ముదమారగను ప్రణుతింతుము
|| దేవునికే ||