“దేవుని కృపామహదైశ్వర్యమునుబట్టి … అపరాధములకు క్షమాపణ మనకు కలిగెను.” ఎఫెసీ Ephesians 1:7

పల్లవి : ఓ ప్రభువా యిది నీ కృపయే – గొప్ప క్రయము ద్వారా కలిగె

1. కృపద్వారానే పాపక్షమాపణ – రక్తము ద్వారానే కలిగె
అపరాధముల నుండి విమోచన – యేసులో మనకు ప్రాప్తించె
|| ఓ ప్రభువా ||

2. కృపద్వారానే కలిగిన రక్షణ – మానవులొసగ జాలరిల
క్రియలద్వారా కలుగలేదు – యేసు ప్రభుని వరమిదియే
|| ఓ ప్రభువా ||

3. కృపతో మనల పిలిచెను ప్రభువు – పరిశుద్ద పిలుపుద్వారా
అపరిమిత సంకల్పమువలన – మనమెరిగితిమి ఈ ధరలో
|| ఓ ప్రభువా ||

4. కృపద్వారానే నీతి మంతులుగా – తీర్చెను మనల ఉచితముగ
అపాత్రులమైయున్న మనకు – ప్రాయశ్చిత్తము కలిగెనుగ
|| ఓ ప్రభువా ||

5. కృపయే మనకు బయలు పడెను – సమస్తమును భోధించును
అపవిత్ర క్రియలన్నియు విడచి – భయభక్తులతో బ్రతికెదము
|| ఓ ప్రభువా ||

6. కృపద్వారానే బలవంతులమై – ఎదురుకొనెదము యుద్ధమును
ప్రభువునందు అంత మువరకు – స్థిరముగ ముందుకుసాగెదము
|| ఓ ప్రభువా ||

7. కృపద్వారానే సమీపించితిమి – దానియందే నిలిచితిమి
క్రీస్తు మహిమ నిరీక్షణకై – ఆయనకే స్తుతి పాడెదము
|| ఓ ప్రభువా ||