“తన్ను ఎందరంగీకరించిరో వారందరికి, అనగా తన నామమునందు విశ్వాసముంచినవారికి దేవుని పిల్లలగుటకు ఆయన అధికారము అనుగ్రహించెను.” యోహాను John 1:12
యేసు నంగీకరించితి దైవపుత్రుడ నైతిని
పరమానందము నిజమైన శాంతియు అధిక జయము నొందితి
పల్లవి : వందన మర్పింతు కృపనొందితి
తన రాజ్యమందున చేరితిని
1. తండ్రి ప్రేమను పొందితి తనతో నైక్యత కలిగె
చేతికుంగరమును కాళ్ళకు జోళ్ళను నూతన వస్త్రమొసగె
|| వందన ||
2. దోషముల్ క్షమింపబడె నా పాపము కప్పబడె
నా ఋణపత్రము మేకులగొట్టి నిర్దోషినిగా తీర్చె
|| వందన ||
3. పాపపు శిక్ష తొలగెన్ నే నూతన సృష్టినైతిని
రాజుగజేసె యాజకునిగను పాడెద హల్లెలూయ
|| వందన ||
4. ఇహమును నే వదలి పరమ ప్రభుని చేరుదును
ఆదినమునకై ప్రీతితోనేను కనిపెట్టుచున్నాను
|| వందన ||