“చిన్న మందా భయపడకుడి, మీకు రాజ్యము అనుగ్రహించుటకు మీ తండ్రికి ఇష్టమైయున్నది.” లూకా Luke 12:32

పల్లవి : రాత్రింబవళ్లు పాడెదను
యేసు నామం – క్రీస్తు నామం

1. పురుగు వంటి నరుడ నాకు – ప్రభువు రాజ్య మియ్యదలచి
పరమునుండి ధరకేతెంచి – ప్రాణమున్ బలిగా నిచ్చె
|| రాత్రింబవళ్లు ||

2. ఎన్నిక లేని చిన్నమంద – భయపడకు నీవిలన్
ఘనమైన పరమతండ్రి – రాజ్యమివ్వ నిష్టపడెన్
|| రాత్రింబవళ్లు ||

3. పాప కూపమునందు నేను – పడి చెడి యుండగా
గొప్ప రక్షణ నిచ్చి పరమ – రాజ్యమందు చేర్చెను
|| రాత్రింబవళ్లు ||

4. నీతి హీనుడనైన నాకు – నీతి రాజ్యమివ్వదలచి
నీతి రక్షణ వస్త్రములను – ప్రీతి తోడ తొడిగెను
|| రాత్రింబవళ్లు ||

5. పేరుపెట్టి పిలచినన్ను – పరమ రాజ్యమును తండ్రి
వారసునిగా నన్ను జేసి – వైరినిల సిగ్గుపరచెన్
|| రాత్రింబవళ్లు ||

6. పరమునందు దూతలు – వింత పొందునట్లుగా
ఏర్పరచుకొంటివి నరుని – నరుడు ఏపాటి వాడు?
|| రాత్రింబవళ్లు ||

7. దానియేలు షద్రక్ మేషాక్ – అబెద్నెగో యనువారలన్
చిన్నమందగాను జేసి – రాజ్యమేల జేసెన్
|| రాత్రింబవళ్లు ||

8. ఎన్ని శ్రమలు వచ్చినను – సన్నుతింతు నా ప్రభున్
ఘనత మహిమ కర్హుడని – హల్లెలూయ పాడెదన్
|| రాత్రింబవళ్లు ||