పల్లవి : మన దేవుని పట్టణమందాయన – పరిశుద్ధ పర్వతమందు
యెహోవా గొప్పవాడును – బహు కీర్తనీయుడై యున్నాడు

1. ఉత్తర దిక్కున మహారాజు పట్టణమైన – సీయోను పర్వతము
ఉన్నతమై అందముగా సర్వభూమికి సంతోషమిచ్చు చున్నది
|| మన దేవుని ||

2. దాని నగరులలో దేవుడాశ్రయముగా – ప్రత్యక్షంబగుచున్నాడు
రాజులేకముగా కూడి ఆశ్చర్యపడి – భ్రమపడి త్వరగా వెళ్ళిరి
|| మన దేవుని ||

3. అచ్చట వారల వణకును ప్రసవించు స్త్రీ – వేదన పట్టెను
తూర్పు గాలిని రేపి తర్షీషు ఓడల – పగులగొట్టుచున్నావు
|| మన దేవుని ||

4. సైన్యము లధిపతి యెహోవా దేవుని – పట్టణమునందు
మనము వినినట్టి రీతిగా జరుగుట – మనము చూచితిమి
|| మన దేవుని ||

5. మన దేవుడు నిత్యముగా దానిని స్థిర – పరచియున్నాడు
దేవా నీ ఆలయ మందున నీ కృపను ధ్యానించితిమి
|| మన దేవుని ||

6. దేవా నీ నామము ఎంత గొప్పదో – నీ సత్కీర్తియును
భూదిగంతముల వరకు అంత – గొప్పదై యున్నది
|| మన దేవుని ||

7. ఈ దేవుడు సదాకాలము మనకు – దేవుడై యున్నాడు
మనల నడిపించును మరణపర్యంతము – హల్లెలూయా ఆమెన్
|| మన దేవుని ||