దేవా! నీ కృప నిరంతరం – మారనిదెపుడు నా ప్రభువా
నిత్యజీవము గలది ప్రియ ప్రభువా …..
దేవా! నీ కృప నిరంతరం

1. పాపినగు నన్ను ఓ ప్రభువా – పరిశుద్ధపరచెను నీ కృపయే -2

పరమ స్వాస్థ్యము నొందుటకు – ప్రేమతో నన్ను పిలిచితివే -2 ॥ దేవా ॥

2. రక్షణ భాగ్యము పొందుటకు – రక్షక యేసు నీ కృపయే -2

నిత్యము నీతో నుండుటకు – నిత్య జీవము నిచ్చితివే -2 ॥ దేవా ॥

3. విశ్వాస జీవితం చేయుటకు – విజయము నిచ్చెను నీ కృపయే -2

శోధన బాధలు అన్నిటిలో – శక్తినొసంగి నడిపితివే -2 ॥ దేవా ॥

4. కృపలో నడుపుము ఓ దేవా – కృపతో నింపుము నా ప్రభువా -2

నిత్యము కృపలో నన్ను నడిపి – నిన్నెదుర్కొనుటకు శక్తినిమ్ము -2 ॥ దేవా ॥

నా యేసయ్యా నా స్తుతియాగము
నైవేద్యమునై ధూపము వోలె
నీ సన్నిధానము చేరును నిత్యము
చేతువు నాకు సహాయము వెనువెంటనే – వెనువెంటనే (2)

ఆత్మతోను మనసుతోను
నేను చేయు విన్నపములు (2)
ఆలకించి తండ్రి సన్నిధిలో నాకై
విజ్ఞాపన చేయుచున్నావా (2)
విజ్ఞాపన చేయుచున్నావా       ||నా యేసయ్యా||

ప్రార్థన చేసి యాచించగానే
నీ బాహు బలము చూపించినావు (2)
మరణపు ముల్లును విరిచితివా నాకై
మరణ భయము తొలగించితివా (2)
మరణ భయము తొలగించితివా         ||నా యేసయ్యా||

మెలకువ కలిగి ప్రార్థన చేసిన
శోధనలన్నియు తప్పించెదవు (2)
నీ ప్రత్యక్షత నే చూచుటకే నాకై
రారాజుగా దిగి వచ్చెదవు (2)
రారాజుగా దిగి వచ్చెదవు        ||నా యేసయ్యా||