తెలుగు క్రిస్టియన్ సాంగ్స్ లిరిక్స్

ఘనత మహిమ ప్రభుకే

by

“యెహోవా మహాత్మ్యముగలవాడు. ఆయన అధికస్తోత్రము నొందదగినవాడు. ఆయన మహాత్మ్యము గ్రహింప శక్యము కానిది.” కీర్తన Psalm 145:3

పల్లవి : ఘనత మహిమ ప్రభుకే
తర తరములలో తనకే చెల్లును గాక

1. నీతిమంతుడు మహానీయుడు స్తుతికీర్తనలతో సన్నుతించెదము
అద్భుతములను చేయు దేవుడు వినుతించెదము విమలాత్ముడని
|| ఘనత ||

2. పావన ప్రభుయేసుండు పరమ దీవెనలు మనకిచ్చెను
తరతరములలో ఎరిగిన తండ్రిని నిరంతరము స్తుతియించెదము
|| ఘనత ||

3. మనలను సిలువ రక్తముతో కొని సమకూర్చెను సంఘముగాను
తన శిరసత్వములో మనలుంచి మనల నడుపు రారాజునకే
|| ఘనత ||

4. మాట తప్పని దేవుడేగ మేటిగ నెరవేర్చె వాగ్దానము
ధీటైన జనముగ మము జేసెనుగ మెండుగ మమ్ము దీవించెనుగా
|| ఘనత ||

5. పరమప్రభువు మనకొరకు అర్పించుకొనెను తన్ను తానే
సర్వము మనకు యిచ్చిన ప్రభునే సర్వద మనము స్తుతియించెదము
|| ఘనత ||

అసమానుండగు ఓ క్రీస్తు – అద్వితీయుండగు దేవా

by

“ఆయనకు అన్నిటిలో ప్రాముఖ్యము కలుగు నిమిత్తము” కొలొస్స Colossians 1:18

పల్లవి : అసమానుండగు ఓ క్రీస్తు – అద్వితీయుండగు దేవా
అల్ఫాయు ఓమేగ (2) నీవే ప్రభువా (2)

1. ఇహపరములలో నీ జన్మ – మహానందము కలిగించె (2)
అభయము నిచ్చి మాకు – భయభీతిని బాపితివి (2)
భయభీతిని బాపితివి
|| అసమానుండగు ||

2. నీ జీవిత వాక్కులన్ని – సజీవము జనులందరికి
పావనుడా మా ప్రభు యేసు – అవనికి మాదిరి నీవే
|| అసమానుండగు ||

3. మరణము గెల్చిన మా ప్రభువా – పరమ దేవుడవు నీవే
సాతానున్ ఓడించి – నీతిగా మము తీర్చితివి
|| అసమానుండగు ||

4. పాపశాపముల బాపితివే – చూపితివే పరమదారి
శక్తిగల ఓ ప్రభువా – నీకే మా స్తోత్రములు
|| అసమానుండగు ||

5. విశ్వమంతట ఓ దేవా – శాశ్వతమైనది నీ ప్రేమ
జ్ఞానమునకు మించినది – ఉన్నతమైన ప్రేమ
భయభీతిని బాపితివి
|| అసమానుండగు ||

6. సంఘమునకు శిరస్సు నీవే – అంగములుగ మము జేసితివి
సర్వ సంపూర్ణుండా – సర్వ మహిమ నీకే
|| అసమానుండగు ||

ప్రణుతింతుము మా యెహోవా

by

“యెహోవా నీవే నన్ను సురక్షితముగా నివసింపజేయుదువు.” కీర్తన Psalm 4:8

పల్లవి : ప్రణుతింతుము మా యెహోవా
పరిపూర్ణ మహిమ ప్రభావా
ప్రబలెన్ నీ రక్షణ మా విభవా

1. నేను నిదురబోయి మేలు కొందును
నాపైన పదివేలు మోహరించినను
నేనెన్నడు వెరువబోను
|| ప్రణుతింతుము ||

2. నా మీదికి లేచి భాధించువారు
వానికి రక్షణ లేదనువారు
వేలాదిగా నిల్చినారు
|| ప్రణుతింతుము ||

3. యెలుగెత్తి యెహోవా సన్నిధియందు
విలపించి వేడినయట్టి దినమందు
వింతగ రక్షించితివంచు
|| ప్రణుతింతుము ||

4. రక్షణనిచ్చుట మన యెహోవాది
రారాజు ప్రజలకు ఆశీర్వాదంబు
రంజిల్లు నీ ధరణియందు
|| ప్రణుతింతుము ||

5. నీ అందచందాల మోము మెరిసింది
నీ మాటలమృత ధారలొలికింది
నిన్నే ప్రేమించి పూజింతున్
|| ప్రణుతింతుము ||

మా ప్రభుయేసు నీవే మా సర్వము

by

“నీ మందిరము యొక్క సమృద్ధివలన వారు సంతృప్తి నొందుచున్నారు” కీర్తన Psalm 36:8

పల్లవి : మా ప్రభుయేసు నీవే మా సర్వము
మహిన్ మాకెపుడు నీతోనే స్నేహము

1. సంతృప్తి నీ మందిరమున గలదు
అందానంద ప్రవాహంబు మెరిసింది
వింతైన జీవపు యూటందు గలదు
యెంతైన మా పూజార్హుండ వీవే
|| మా ప్రభుయేసు ||

2. ఇంతటి ప్రేమను నేనెంతో పొందియు
మొదటి ప్రేమ నెంతో విడచి పెట్టితిని
సదయాక్షమించి మొదటి ప్రేమ నిమ్మయా
సతతంబు మా పూజార్హుండ వీవే
|| మా ప్రభుయేసు ||

3. మా తలపు మాటల్లో మా చూపు నడకలో
మేము కూర్చున్న నిలుచున్న వీక్షించిన
మక్కువతో మా ప్రభున్ మెప్పించెదము
యెక్కడైనా మా యేసు సన్నిధిలో
|| మా ప్రభుయేసు ||

4. పరిశుద్ధంబైనది నీ దివ్య నైజము
పరిశుద్ధంబైన జీవితమే మా భాగ్యము
పరిశుద్ధ ప్రజలుగ మమ్ము సరిజేసి
పాలించుము ప్రభుయేసు రారాజ
|| మా ప్రభుయేసు ||

5. సోదర ప్రేమ సమాధానంబులతో
సాత్వీక సంతోష భక్తి వినయాలతో
వింతైన మాదు స్తుతి పరిమాళాలతో
వినయంబున పూజింతుము నిన్ను
|| మా ప్రభుయేసు ||

దూతగణములెల్ల ఆరాధించిరిగా

by

“వారు సైన్యములకధిపతియగు యెహోవా ― పరిశుద్ధుడు, పరిశుద్ధుడు, పరిశుద్ధుడు” యెషయా Isaiah 6:3

పల్లవి : దూతగణములెల్ల ఆరాధించిరిగా
పరిశుద్ధుడు సైన్యముల యెహోవని

అనుపల్లవి : ఇహపరములలో ఆయన మహిమ
నిండియున్నదని గానము చేసిరి – 2

1. నిష్కళంకమైనది నీ కనుదృష్టి
నీవు చూడలేవుగా దుష్టత్వమును
దూరస్థులమైన మమ్ము నీ రక్తముతో
చేరదీసి చేర్చుకొన్న స్వామి స్తోత్రము
|| దూతగణము ||

2. నా హృదయమునందు శుద్ధి కలిగించితివి
నిన్ను చూచె నిరీక్షణ నా కొసగితివి
పెన్నుగా నీ పరిశుద్ధత నొసగిన దేవా
ఘనముగాను పొగడెదను పావన ప్రభువా
|| దూతగణము ||

3. పాపముతో పతనమైన నా దేహమును
పరిశుద్ధాలయముగాని చేసికొంటివి
పరిశుద్ధ స్వాస్థ్యమునకు నన్ను పిలిచిన
సర్వోన్నతుడా నిన్ను స్తుతియించెదను
|| దూతగణము ||

4. నీ రక్తముచేత నాకు కలిగించితివి
నిర్భయంబుగాను పరిశుద్ధ స్థలములో
ప్రవేశింపజేసియున్న ప్రియ యేసువా
పూజించెద నిన్ను నాదు జీవితమంతా
|| దూతగణము ||

5. పరలోకపు తండ్రి నీవు పరిశుద్ధుడవు
పరిపూర్ణతయందు నన్ను నడిపించితివి
సమస్తమును చేయుటకు బలపరచితివి
సమాధాన కర్తనీకే వందన స్తుతులు
|| దూతగణము ||