తెలుగు క్రిస్టియన్ సాంగ్స్ లిరిక్స్

“(సువర్ణ) దీప స్తంభముల మధ్యను మనుష్య కుమారుని పోలిన యొకనిని చూచితిని” ప్రకటన Revelation 1:13

పల్లవి : నేనే ఉన్నవాడననిన అద్వితీయ ప్రభు ఆరాధింతు
1. అల్ఫాయు ఓమేగ వర్తమాన – భూత భవిష్యత్తులో నున్నవాడా
నా సర్వము నిర్వహించువాడా – సర్వాధికారి నిన్నే స్తుతించి
అర్పింతు నీకే నా ఆరాధన
|| నేనే ||

2. ఏడు సువర్ణ దీపస్తంభముల – మధ్య సంచరించుచున్నవాడా
శుద్దీకరించితివి నన్ను – మేలిమిగ మార్చి సంఘమున
చేర్చితివి నిన్నే ఆరాధింతు
|| నేనే ||

3. తెల్లని ఉన్నిని పోలియున్న – వెంట్రుకలు కలిగి యున్నవాడా
ఆలోచనకర్త నీవే నాకు – జ్ఞానమైతివి అసమానుండ
అర్పింతు నీకే నా ఆరాధన
|| నేనే ||

4. సూర్యుని వంటి ముఖము కలిగి – అగ్నిజ్వాలల నేత్రముల్ కలిగి
దృష్టించితివి నా హృదయమున్ – దహించితివి దుష్టత్వము
ప్రేమగల ప్రభూ నిన్నారాధింతు
|| నేనే ||

5. అపరంజిని పోలిన పాదములు – కలవాడా తీర్పు తీర్చితివి
పాపము లోకములనిల – దుష్ట సాతానున్ సిలువలో గెలిచి
విజయ మిచ్చినందుల కారాధింతున్
|| నేనే ||

6. నీ నోటినుండి బయలువెడలె – రెండంచులు గల వాడి ఖడ్గము
అదియే పాత ఆదామును చంపె – నశింప చేసె నా శత్రుబలమున్
అర్పింతు నీకే నా ఆరాధన
|| నేనే ||

7. ఏడు నక్షత్రములు పట్టుకొనిన – మొదటివాడా కడపటివాడా
సర్వ సంపూర్ణత నాకిచ్చితివి – అపాయములలో ఆదుకొనుచున్న
ఆమేన్ అనువాడా హల్లెలూయ
|| నేనే ||

“మనలను ప్రేమించుచు తన రక్తమువలన మన పాపములనుండి మనలను విడిపించినవానికి మహిమయు ప్రభావమును యుగయుగములు కలుగునుగాక ఆమేన్‌.” ప్రకటన Revelation 1:6

పల్లవి : ఓ ప్రేమగల యేసు – ప్రేమించినావు మమ్ము
స్మరించుచు స్తుతింతున్ – రక్షణ నిచ్చినావు
1. అద్భుత యాగమందు – అందరికై బలియై
అందరి పాపములకు – ప్రాయశ్చిత్తమైతివి
|| ఓ ప్రేమగల ||

2. దాసులమై మేముండ – మోషేను పంపితివి
చేసితివి స్వతంత్రులుగా – నీ బాహుబలము తోడ
|| ఓ ప్రేమగల ||

3. క్షమాపణానందముతో – సాగింపచేసి మమ్ము
యాత్రలో మాకు తోడై – విజయము నిచ్చితివి
|| ఓ ప్రేమగల ||

4. ఎడారి అడవిలోన – ఊటల నదులు నడిపి
ఎండిన నేలనంత – పచ్చిక బయలు చేసెన్
|| ఓ ప్రేమగల ||

5. బాబెలు నుండి మమ్ము – విడిపించితివి నీవు
బంధకముల తెంచి – తప్పు బోధ బాపినావు
|| ఓ ప్రేమగల ||

6. సహవాసమిచ్చి సంఘ – అంగముల జేసినావు
సాక్షులను చేసి మమ్ము – శత్రువుల సిగ్గుపరచె
|| ఓ ప్రేమగల ||

7. మహా ప్రేమ గల యేసు – మాకై చేసితివన్ని
ఘనపరతు హల్లెలూయ – ఈ గొప్ప రక్షణ కొరకు
|| ఓ ప్రేమగల ||