తెలుగు క్రిస్టియన్ సాంగ్స్ లిరిక్స్

“యెహోవాను గానము చేయుడి.” నిర్గమకాండము Exodus 15:21

పల్లవి : యెహోవాను గానము చేసెదము యేకముగా
మనకు రక్షకుడాయనే – ఆయన మహిమ పాడెదము
ఆయనను వర్ణించెదము – ఆయనే దేవుడు మనకు

1. యుద్ధశూరుడెహోవా – నా బలము నా గానము
నా పితరుల దేవుడు – ఆయన పేరు యెహోవా
|| యెహోవాను ||

2. ఫరోరథముల సేనలను – తన శ్రేష్ఠాధిపతులను
ఎర్ర సముద్రములోన – ముంచివేసె నెహోవా
|| యెహోవాను ||

3. నీ మహిమాతిశయమున – కోపాగ్ని రగులజేసి
చెత్తవలె దహించెదవు – నేపై లేచువారిని
|| యెహోవాను ||

4. దోపుడు సొమ్ము పంచుకొని – ఆశ తీర్చుకొందును
నా కత్తి దూసెదను – అని శత్రువనుకొనెను
|| యెహోవాను ||

5. వేల్పులలో నీ సముడెవడు – పరిశుద్ధ మహానీయుడా
అద్భుతమైన పూజ్యుడా – నీవంటి వాడెవడు?
|| యెహోవాను ||

6. ఇశ్రాయేలీయులంతా – ఎంతో సురక్షితముగా
సముద్రము మధ్యను – ఆరిన నేలను నడచిరి
|| యెహోవాను ||

“నేను కోరుకొన్నవాడు ఇతడే, నీవు లేచి వానిని అభిషేకించుము.” 1 సమూయేలు Samuel 16:12

1. సంస్తుతింతుము నిన్నే – సౌలును విడచితివి
దావీదును కోరుకొని – దీవించిన యెహోవా

2. యెష్షయి పుత్రులలో – ఎర్రని వాడతడు
నేత్రాలు చక్కనివి – నేర్పరి మాటలలోన

3. రత్నవర్ణుడు యేసు – మాటలు దయగలవి
గువ్వలవలె వెలయు – కన్నులు గలవాడేసు

4. బెత్లెహేమునందు – ఖ్యాతిగా వాయించి
సొంపగు పాటలు పాడే – సుగుణాల సుందరుడు

5. పరమగీతము పాడే – పావనుడు మన యేసు
నేర్పరి మాటలలోన – నజరేతు నివాసి

6. వీరుడగు యౌవనుడు – శూరుడు యుద్ధమున
తల్లిని మించి యెహోవా – తనతోడై యున్నాడు

7. నేను కోరిన దితడే – వాని అన్నలముందు
అభిషేక తైలముతో – అభిషేకించుము వాని

8. సంఘవరుడగు క్రీస్తు – సత్యముగ మన శిరస్సు
ఆత్మాభిషిక్తుండై – అలరారుచున్నాడు

“యుగయుగములు జీవించుచున్న వానికి మహిమయు ఘనతయు కృతజ్ఞతాస్తుతులు కలుగును గాక.” ప్రకటన Revelation 4:9

యేసు సమసిన సిల్వ చెంత – నే ప్రార్ధించిన స్థలమందు రక్తము
ద్వారా మన్నింపొందితిన్ – యేసుకు మహిమ

పల్లవి : యేసుకు మహిమ మహిమ (2)
నా యెద యిప్పుడు మారెను – యేసుకు మహిమ

1. ఆశ్చర్యముగా హృదయము మారెను – యేసుకు ఆలయమాయెను
సిల్వ యొద్ద నటులాయెను – యేసుకు మహిమ
|| యేసుకు ||

2. పాపము తీర్చు ప్రభావమది – నన్ను స్వస్థ పరచినది
యేసుచే నీ స్థితి కల్గెను – యేసుకు మహిమ
|| యేసుకు ||

3. ఈ జీవపు ఊట యొద్దకురా – హృదయము నిమ్ము యేసునకు
మున్గిన నీ పాపము పోవున్ – యేసుకు మహిమ
|| యేసుకు ||

“సకలాశీర్వచన స్తోత్రములకు మించిన నీ ఘనమైన నామము స్తుతింపబడును గాక.” నెహెమ్యా Nehemiah 9:5

పల్లవి : యేసు పరిశుద్ధ నామమునకు
యెప్పుడు అధిక స్తోత్రమే

1. ఇహపరమున – మేలైన నామము
శక్తి గల్గినట్టి – నామమిది – పరి
శుధ్ధులు స్తుతించు నామమిది – పరి
|| యేసు ||

2. సైతానున్ పాతాళ – మును జయించిన
వీరత్వము గల నామమిది – జయ
మొందెదము యీ నామమున – జయ
|| యేసు ||

3. నశించు పాపుల రక్షించ లోక
మునకేతెంచిన – నామమిది – పర
లోకమున జేర్చు నామమిది – పర
|| యేసు ||

4. ఉత్తమ భక్తులు – పొగడి స్తుతించు
ఉన్నత దేవుని – నామమిది – లోక
మంత ప్రకాశించె – నామమిది – లోక
|| యేసు ||

5. శోధన గాధల – కష్టసమయాన
ఓదార్చి నడుపు – నామమిది – ఆటం
కము తీసివేయు నామమిది – ఆటం
|| యేసు ||

“దేవుడు ఆత్మ గనుక ఆయనను ఆరాధించువారు ఆత్మతోను సత్యముతోను ఆరాధింపవలెననెను.” యోహాను John 4:24

పల్లవి : స్తోత్రింతుము నిను మాదు తండ్రి
సత్యముతో ఆత్మతో నెపుడు

అనుపల్లవి : పరిశుద్ధాలంకారములతో
దర్శించెదము శరణం శరణం

1. శ్రేష్ఠ యీవుల యూట నీవే – శ్రేష్ఠ కుమారుని యిచ్చినందున
త్రిత్వమై యేకత్వమైన త్రి-లోక నాథా శరణం శరణం
|| స్తోత్రింతుము ||

2. పాపి మిత్రుడ పాప నాశక – పరమవాసా ప్రేమపూర్ణా
వ్యోమపీఠుడా స్వర్ణమయుడా – పరిశుద్ధాంగుడ శరణం శరణం
|| స్తోత్రింతుము ||

3. ధవళవర్ణుడ రత్నవర్ణుడ – సత్యరూపి యనబడు వాడా
నను రక్షించిన రక్షకుండవు – నాథ నీవే శరణం శరణం
|| స్తోత్రింతుము ||

4. బంగారు వెంట్రుకలు తలపై – ఉంగరములుగ కనబడినవి
వేలలో నతి కాంక్షణీయుడా – వేలకొలది శరణం శరణం
|| స్తోత్రింతుము ||

5. గువ్వల వంటి కన్నులు – పువ్వుల వంటి చెక్కిళ్ళు
మంచి రూపము కలిగినందున – మాకు నీవే శరణం శరణం
|| స్తోత్రింతుము ||

6. చేతులు బంగారుమయము – చెక్కిన రత్నముల వంటివి
కాళ్ళు రాతిస్తంభములవలె – కన్పడుచున్నందున శరణం
|| స్తోత్రింతుము ||

7. సంఘమునకు శిరస్సు నీవే – రాజా నీకే నమస్కారములు
ముఖ్యమైన మూలరాయి – కోట్లకొలది శరణం శరణం
|| స్తోత్రింతుము ||

8. నీదు సేవకుల పునాది – జ్ఞానమునకు మించిన తెలివి
అందముగను కూడుకొనుచు – వేడుకొందము శరణం శరణం
|| స్తోత్రింతుము ||

9. రాజ నీకే నమస్కారములు – గీతములు స్తుతి స్తోత్రములు
శుభము శుభము శుభము నిత్యము – హల్లెలూయా ఆమేన్ ఆమేన్
|| స్తోత్రింతుము ||