తెలుగు క్రిస్టియన్ సాంగ్స్ లిరిక్స్

మహిమ, ఘనత, స్తుతి ప్రభావము

by

“స్తోత్రమును ఘనతయు మహిమయు ప్రభావము యుగయుగములు కలుగును గాక.” ప్రకటన Revelation 5:13

పల్లవి : మహిమ, ఘనత, స్తుతి ప్రభావము – నీకే కలుగును గాక ఆ. ఆ.
నీకే కలుగును గాక మా దేవా – నీకే కలుగును గాక !

1. బుద్ధి, జ్ఞాన సర్వ సంపదలు – నీ దానములే జ్ఞాన స్వరూపి (2)
జగమును సౄష్టించి – నిర్వహించు వాడవు (2)
నీ జ్ఞానమును – వివరింపతరమా (2)
నీ జ్ఞానముతో నింపు మమ్ము మాదేవా – నీ జ్ఞానముతో నింపు మమ్ము
|| మహిమ ||

2. వెండి బంగారు అష్టైశ్వర్యములు – నీ దానములే శ్రీ మంతుడా
శ్రేష్ఠ ఈవులనిచ్చు – జ్యోతీర్మయుడవు
నీ మహిమైశ్వర్యం – వివరింపతరమా
నీ మహిమైశ్వర్యమిమ్ము మా దేవా – నీ మహిమైశ్వర్యమిమ్ము
|| మహిమ ||

3. అధిక బలము సంపూర్ణ శక్తి – నీ దానములే యుద్దశూరుడా
నీ కసాద్యమైనది లేదే యెహోవా
నీ సర్వశక్తిని – వివరింపతరమా
నీ సర్వశక్తితో నింపు మా దేవా – నీ సర్వశక్తితో నింపు
|| మహిమ ||

4. శాశ్వతమైనది నీ మధుర ప్రేమ – జ్ఞానమునకు మించు ప్రేమాస్వరూపీ
కొలువగలేము నీ – ఘనప్రేమను
సాటిలేని నీ ప్రేమన్ వివరింపతరమా
నీ ప్రేమతో నింపు మమ్ము మా దేవా – నీ ప్రేమతో నింపు మమ్ము
|| మహిమ ||

5. ఆర్పగలేము నీ ప్రేమ అగ్నిని – అగాధ సముద్రముల్ జ్వాలామయుడా
మరణమంత బలమైన – నీ ప్రేమ ధాటిని
అగపె ప్రేమను – వివరింప తరమా
అగపే ప్రేమతో నింపు మా దేవా – అగపే ప్రేమతో నింపు
|| మహిమ ||

నా మనోనేత్రము తెరచి

by

“మీ మనో నేత్రములు వెలిగింపబడినందున” ఎఫెసీ Ephesians 1:17

పల్లవి : నా మనోనేత్రము తెరచి
నా కఠిన హృదయమును మార్చి (2)

అనుపల్లవి : అంధకారములో నేనుండ (2)
వెదకి నన్ రక్షించితివి (1)

1. నే పాప భారము తోడ – చింతించి వగయుచు నుంటి (2)
కల్వరి సిలువలో నా శ్రమలన్ (2) – పొందినన్ విడిపించితివి (1)
|| నా మనోనేత్రము ||

2. వేరైతి లోకము నుండి – నీ స్వరమును విని నినుచేర
సర్వము నే కోల్పోయినను – నీ స్వరమే నా స్వాస్థ్యమయా
|| నా మనోనేత్రము ||

3. ఎన్నాళ్ళు బ్రతికిన నేమి? – నీకై జీవించెద ప్రభువా!
బాధలు శోధనలు శ్రమలలో – ఓదార్చి ఆదుకొంటివయా
|| నా మనోనేత్రము ||

4. ఏమి నీ కర్పించగలను – ఏమీ లేని వాడనయ్యా
విరిగి నలిగిన హృదయముతో – అర్పింతు ఆత్మార్పణను
|| నా మనోనేత్రము ||

5. నీ సన్నిధిని నే కోరి – నీ సన్నిధిలో నేమారి
స్తుతి పాత్రగ ఆరాధింతున్ – యుగ యుగములు సర్వయుగములు
|| నా మనోనేత్రము ||

ఆనందముతో – ఆరాధింతున్

by

“ఆయనను ఆరాధించువారు ఆత్మతోను, సత్యముతోను ఆరాధింపవలెను” యోహాను John 4:24

పల్లవి : ఆనందముతో – ఆరాధింతున్ ఆత్మతోను – సత్యముతో
అనుపల్లవి : రక్షణ పాత్ర నేనెత్తుకొని – స్తుతులు నర్పింతును
హర్షించి పొగడి పూజింతును – యేసుని నామమును

1. పాపినైన నన్ను రక్షింపను – సిలువపై నాకై తానెక్కెను
పరిశుద్ధ జీవం నాకివ్వను – మృత్యుంజయుడై లేచెను
|| ఆనందముతో ||

2. మరణపుటురులలో నేనుండగా – నరరూపియై నా కడ కేతెంచెను
పరలోక జీవం నాకివ్వను – మరణపు ముల్లు విరచెను
|| ఆనందముతో ||

3. శత్రుని ఉరి నుండి విడిపింపను – శత్రువుతో నాకై పోరాడెను
పదిలంపు జీవం నాకివ్వను – క్రీస్తునందు నను దాచెను
|| ఆనందముతో ||

4. పరలోక పౌరసత్వం నా కివ్వను – పరమును వీడి ధరకేతెంచెను
సమృద్ధి జీవం నాకివ్వను – తన ప్రాణమర్పించెను
|| ఆనందముతో ||

5. శోధన వేదన బాధలెన్నో – ఈ లోక యాత్రలో ఎదురైనను
ప్రత్యేక జీవం జీవించను – అర్పించుకొందు నీకు
|| ఆనందముతో ||

6. అంగీకరించు – నా జీవితమును – నీ కొరకే ప్రభువా
హల్లెలూయ ఆమెన్ – హల్లెలూయ ఆమెన్ – హల్లెలూయ
|| ఆనందముతో ||

యేసు నీకే జయం జయము

by

“ఈయన నిజముగా లోక రక్షకుడని తెలిసికొని నమ్ముచున్నాను” యోహాను John 4:42

పల్లవి: యేసు నీకే జయం జయము (2)
నీవె లోక పాల – కుడవు (2)
సర్వ సృష్టికి సృష్టి – కర్తవు
సర్వలోక రక్ష – కుడవు
జై జై అనుచు నీ – కే పాడెదం (2)

1. జన్మించె జగమున మా – నవ రూపములో
ప్రాయశ్చిత్తము – కై – తా – నె బలియాయె
పాపియైన మా – న – వుని రక్షింప
శిలువ నెక్కి తన ప్రా-ణము నిచ్చెన్
హల్లెలూయా భువిపైన (2)

2. మరణము ద్వారా – అంతమాయె బలులు
-త-న స-మా-ధి, సర్వం కప్పెన్
తిరిగి లే-చుటచే, సర్వం నూతనమాయె
సంపూర్ణముగ ఓడిపోయె మృత్యు సమాధి
హల్లెలూయా భువిపైన (2)

3. స్వర్గం వెళ్ళి, గొప్ప స్వాగతమొందెన్
తండ్రి కుడిప్రక్కన, ఆ-యన కూర్చుండెన్
రాజుల రాజై, ప్రభువుల ప్రభువై
పొందె అధికారము – పరలోకముపై
హల్లెలూయా భువిపైన (2)

4. తన రూపమునకు మార్పు, నిష్ట-మాయె
సృష్టికంటె ముందు తానె సంకల్పించె
లోక దుఃఖము నుండి – మనం తప్పించుకొని
తన రూపము నొంది – తనతో-నుండెదం
హల్లెలూయా భువిపైన (2)

నీ మందిరము అతిశృంగారము

by

“పరిశుద్ధ పట్టణము దేవుని మహిమగలది” ప్రకటన Revelation 21:10

పల్లవి : నీ మందిరము అతిశృంగారము – నీ ప్రజలందరికి
మహిమ తేజస్సు మెండుగ నింపి – నూతన పరచు దేవ – 2

1. నీ రక్తము చిందించి – నూతన జన్మము నిచ్చి – 2
స్వాస్థ్యముగ మమ్ముజేసి – నీ మందిరమున నిలిపి – 2
కొదువలయందు కృపచూపించి – తృప్తిగ పోషించితివి – 2
మహిమ … మహిమ … మహిమ … నీకె – 2
|| నీ మందిరము ||

2. నీ మందిరములో నిత్యము – వసియించి వర్ధిల్లెదము
అనుదినము స్తుతియించి – నూతన బలమును పొంది
అన్నిటియందు దీవించబడి – ధన్యులుగా నుండెదము
మహిమ … మహిమ … మహిమ … నీకె
|| నీ మందిరము ||

3. నీ మందిరములో దొరుకున్ – నిత్యానందము నిరతం
శోధన శ్రమల యందు – కదలక స్థిరముగ నిలచు
అంతము లేని అద్భుతమైన – ఆదరణ పొందెదము
మహిమ … మహిమ … మహిమ … నీకె
|| నీ మందిరము ||

4. కోల్పోతిమి నీ మహిమను – మా అతిక్రమముల వలన
క్షమియించి నింపుము దేవ – మహాప్రభావ మహిమను
మునుపటి మహిమను మించిన మహిమతో – నిండుగ నింపుము దేవ
మహిమ … మహిమ … మహిమ … నీకె
|| నీ మందిరము ||

5. అంతము వరకు మమ్ము – సజీవ రాళ్ళవలె నుంచి
కట్టుము ఆత్మ మందిరము – నింపుము అధిక మహిమను
యుగయుగములకు ఘనత మహిమ – నీకు కలుగును గాక
మహిమ … మహిమ … మహిమ … నీకె
|| నీ మందిరము ||