తెలుగు క్రిస్టియన్ సాంగ్స్ లిరిక్స్

మహా సామర్థ్యా ఓ యేసు బహు విశాలుడవు నీవు

by

“సర్వమును ఆయనయందు సృజింపబడెను” కొలొస్స Colossians 1:16

పల్లవి : మహా సామర్థ్యా ఓ యేసు బహు విశాలుడవు నీవు
ప్రేమపూర్ణుడా నిన్ను మనస్సార స్తుతించెదను

1. ప్రభు నీవే నాదు జీవము నేను పూర్తిగా మృతుడను
దాచబడితిని నీయందు స్థిరపరచితివి నన్ను
ప్రత్యక్షమై మహిమయందు ప్రభు నిన్ను స్తుతించెదను
|| మహా సామర్థ్యా ||

2. సర్వశ్రేష్టుండా ప్రభువా సర్వ ప్రదానుండవు నీవే
నీదు చిత్తం నెరవేర్చుకో నీదు ప్రభుత్వమందున్నాను
నీవే శిరోమణివి ప్రభో ఆర్భాటించి స్తుతించెదను
|| మహా సామర్థ్యా ||

3. నాయందున్న ప్రభువా నీవే శుభ నిరీక్షణయైతివి
వేగ వచ్చుచున్నావని నా ఆశ అధికంబగుచుండె
సంధింతు ప్రభు నిన్ను మహా సంతోషస్తుతుల నర్పించి
|| మహా సామర్థ్యా ||

4. ప్రభు నీవే విజయుండవు మరణమున్ జయించితివి
సర్వశక్తి అధికారంబుల్ నీదు వశమందున్నవి
నిన్నుబట్టి జయించెదను దీనుడనై భజించెదను
|| మహా సామర్థ్యా ||

జయశీలుడవగు ఓ మా ప్రభువా

by

“మా ద్వారా ప్రతి స్థలమందును క్రీస్తును గూర్చిన జ్ఞానము యొక్క సువాసనను కనుపరచుచు ఆయన యందు మమ్మును ఎల్లప్పుడు విజయోత్సవముతో ఊరేగించుచున్న దేవునికి స్తోత్రము” 2 కొరింథీ Corinthians 2:14

పల్లవి : జయశీలుడవగు ఓ మా ప్రభువా
జయగీతముల్ పాడెదం

1. పాపంబు చేత పడిచెడిన మమ్ము కరుణించి రక్షించితివి
కృతజ్ఞతచే హృదయము నిండె స్తుయింతుమో మా ప్రభు
|| జయశీలుడవగు ||

2. నీతియేలేని మా నీచ బ్రతుకుల్ నీ యందు స్థిరమాయెను
ఉదయించెమాపై నీతి సూర్యుండు ముదమార ప్రణుతింతుము
|| జయశీలుడవగు ||

3. అవిధేయతతో అవివేకులమై కోల్పోతిమి భాగ్యంబును
నీ జ్ఞాన ఘనత ఐశ్వర్యములను దయతోడ నొసగితివి
|| జయశీలుడవగు ||

4. శత్రుని వురిలో చిక్కిన మాతో నా సొత్తు మీరంటివి
భయభీతిలోన అభయంబు నిచ్చి విడిపించితివి మా ప్రభో
|| జయశీలుడవగు ||

5. యుద్దంబు నాది నిలుచుండి చూడుడి నేనిచ్చు రక్షణను
అని ప్రభూ నీవు పోరాడితివి మా పక్షమందు నీవే
|| జయశీలుడవగు ||

6. క్రీస్తేసు ప్రభులో ప్రతిస్థలమందు విజయోత్సాహముతో మము
ఊరేగించుచు మహిమ నొందుచున్న దేవా స్తోత్రములు
|| జయశీలుడవగు ||

7. పరిపూర్ణ కృపతో నీ విశ్వాస్యతను కనుపరచు కొంటివి నీవు
విడువబడిన మమ్ము వివాహితగా జేసె హల్లెలూయా పాడెదము
|| జయశీలుడవగు ||

యేసు ప్రభుని సంకల్పములు మారవు ఎన్నటికి

by

“అతడు మందిరమునకును, బలిపీఠమునకును చుట్టు ఆవరణమును ఏర్పరచి, ఆవరణ ద్వారపు తెరను వేసెను. ఆలాగున మోషే పని పూర్తిచేసెను.” నిర్గమ Exodus 40:33

పల్లవి : యేసు ప్రభుని సంకల్పములు మారవు ఎన్నటికి
మహాప్రభావము ఆయనకే యుగయుగముల వరకు

1. మోషేను ఏర్పరచుకొనె తన ప్రజలను విడిపింప
చేసెనుగా ఘన కార్యములు వారి మార్గములో
త్రోసినను నడిపించెను వారిని విసుగక తనత్రోవ
|| యేసు ||

2. కొండపై చూపిన విధముననే మందిరమును నిలిపె
ఆవరణము నేర్పరచెను నిండుగ తెరవేసె
దేవుని కార్యములను మోషే సంపూర్ణము చేసె
|| యేసు ||

3. మందిరపని అంతయును సంపూర్ణము చేయగనే
సుందరముగ నొక మేఘము గుడారమును కమ్మె
మందిర మంతయు యెహోవా తేజస్సుతో నిండెన్
|| యేసు ||

4. నావన్నియును నీవెగదా అమరుడవగు దేవా
నీవన్నియు నాకిచ్చితివి నీకృపను బట్టి
మహిమ పరతును ఎల్లప్పుడు ఇహపరములయందు
|| యేసు ||

5. పరిశుద్ధ జనమా క్రీస్తు ప్రభుని బట్టి
పరిశుద్ధ దేవుని చిత్తమును నెరవేర్చుచు ఇలలో
నిరతము మహిమ స్తుతిఘనత చెల్లించెద మెపుడు
|| యేసు ||

ప్రభువైన క్రీస్తు మహిమాస్వరూప పూజింతుము నిన్

by

“అప్పుడు మేఘము … మందిరమును నింపెను” నిర్గమ Exodus 40:34

పల్లవి : ప్రభువైన క్రీస్తు మహిమాస్వరూప పూజింతుము నిన్

1. సార్వత్రిక సంఘ నగర విహారీ సర్వస్వానీ కాధారీ
పరిశుద్ధ మహాసభల ప్రధానీ భక్తస్తుతి హారాధారీ
|| ప్రభువైన ||

2. భక్తుండగు మోషే నీదు ఆనతిని నిర్మించె గుడారమున్
దానిన్ నీదు మహిమతో నింపి ధగధగ మెరిపించిన ప్రభో
|| ప్రభువైన ||

3. రూపాంతర మొంది రవికాంతిన్ మెరసి రమ్యంబుగా శిష్యుల
హృదయ సుమముల్ విరియబూయన్ సదయా ప్రకాశించితివి
|| ప్రభువైన ||

4. దీక్షన్ నీవే ప్రభూ తండ్రిచిత్తమున్ నెరవేర్చితివి పూర్తిగా
ధీరుడవై నీ ప్రాణం నొసగి తండ్రిని మహిమపరచితివి
|| ప్రభువైన ||

5. మంటి పురుగులమౌ మమ్ము రక్షించి మా నీతిమహిమ నీవై
మాలో నీవు మహిమరూప మహిమ పరచబడినావు
|| ప్రభువైన ||

6. మా స్తుతిసుగంధముల్ మా ప్రేమపూజల్ మాదు కృతజ్ఞతలు
మాప్రాణాత్మల్ మాదుతనువుల్ మాప్రభు నీస్వంతం నిరతం
|| ప్రభువైన ||

పాడెదము నీ స్తుతులను మహా ప్రభువా

by

“మహిమ గల ఈ రాజు యెవడు? బలశౌర్యములు గల యెహోవా యుద్ధశూరుడైన యెహోవా” కీర్తన Psalm 24:8

పల్లవి : పాడెదము నీ స్తుతులను మహా ప్రభువా
నిన్ను మేము పూజించెదము శ్రద్ధభక్తితో

1. ధనవంతుడవగు నీవు సర్వము మా కొరకు నిచ్చి
ధనవంతులుగ మమ్ము జేయ పేదవైతివి
|| పాడెదము ||

2. దేవుని స్వరూపమైయుండి యెంచలేదు సమానుడని
రిక్తుడై నిందను భరించి దాసుడైతివి
|| పాడెదము ||

3. పరీక్షించబడిన ప్రభు నిర్దోషిగనైతివినిల
నీతి న్యాయములు గలిగి జయించితివి
|| పాడెదము ||

4. పాపమెరుగని వాడవు కపటమేమి లేదు నీ నోట
ఎవరిని దూషింపను లేదు పవిత్రుడవు
|| పాడెదము ||

5. నీచుడుగా నీ వెంచబడి తృణీకరింప బడితివి
వ్యాధి బాధ వేదన పొంది సహించితివి
|| పాడెదము ||

6. గాయపరచబడితివి మాకు బదులుగా ప్రభువా
నలుగ గొట్టబడిన నీవు మరణమైతివి
|| పాడెదము ||

7. పరాక్రమ శాలివై ప్రభు సజీవుడవై లేచితివి
మరణమును జయించితివి విజయుండవై
|| పాడెదము ||