best zion songs

ప్రభావ శక్తులు కల్గిన రాజునుతింపు

by

“రాజవైన నా దేవా, నిన్ను ఘనపరచెదను. నీ నామమును నిత్యము సన్నుతించెదను.” కీర్తన Psalm 145:1

1. ప్రభావ శక్తులు కల్గిన రాజునుతింపు
దీని ప్రియాత్మ! కోరుదు రేని స్మరింపు
కూడుడిదో! కిన్నెర వీణలతో గానము చేయనులెండి

2. సర్వము వింతగ పాలన చేసెడువాడు
రెక్కలతో నిను మోసెను గావున బాడు
నీకు సదా కావలి యుండుగదా – దాని గ్రహింపవదేల

3. ఆత్మను! మిక్కిలి వింతగా నిన్ను సృజించి
సౌఖ్యము నిచ్చుచు స్నేహముతో నడిపించి
కష్టములో కప్పుచు రెక్కలతో గాచిన నాథునుతింపు

4. స్నేహపు వర్షము – నీపై తా గురియించి
అందరు చూచుచు ఉండగనే కరుణించి
దీవెనలు నీకు నిరంతరము నిచ్చిన నాథునుతించు

5. నాథుని నామము – నాత్మ స్మరించి నుతింపు
ఊపిర గల్గిన స్వరమా నీవు నుతింపు
సంఘములో నాబ్రాహాం సంతతితో – నాథునుతింపుము

ప్రభు నా దేవా నీ చేతి కార్యములను

by

“యెహోవా, నీ కార్యములు ఎంత దొడ్డవి!” కీర్తన Psalm 92:5

ప్రభు నా దేవా నీ చేతి కార్యములను
ఆశ్చర్యముతో నే నెంచి చూడగన్
తారలజూచి గంభీర యురుములు వినగా
విశ్వమంత నీ శక్తిన్ కనుపరచన్

పల్లవి : నా ప్రాణమెంతో నిన్ను పాడును
గొప్ప దేవా గొప్ప దేవా
నా ప్రాణమెంతో నిన్ను పాడును
గొప్ప దేవా గొప్ప దేవా

1. అడవులందు నే సంచరించగను
పక్షుల మధుర సంగీతములు వినగా
పర్వత శోభ నే పరికించి చూడ
సెలయేరుల చల్లగాలి సోక
|| నా ప్రాణమెంతో ||

2. ప్రియసుతుని నా కొరకై చనిపోవ
పంపుట తలచి భరించ గలనా?
సిలువ పైని నా భారమంత మోసి
పాపము తీయ రక్తము కార్చెను
|| నా ప్రాణమెంతో ||

3. ఆర్భాటముతో క్రీస్తు ఈ భువికేతెంచి
పర గృహమునకు నను గొనిపోయెడి వేళ
ఆనందముతో పూజించి ప్రకటింతు
ఓ నా దేవా నీవే ఘనుడవంచు
|| నా ప్రాణమెంతో ||

యేసు దివ్య రక్షకుని స్తుతించు

by

“నా ప్రాణమా, యెహోవాను సన్నుతించుము. నా అంతరంగముననున్న సమస్తమా, ఆయన పరిశుద్ధ నామమును సన్నుతించుము.” కీర్తన Psalm 103:1

1. యేసు దివ్య రక్షకుని స్తుతించు – భూమీ – దివ్య ప్రేమను చాటుము
ముఖ్యదూతలారా శుభ మహిమను – బలఘనముల నర్పించుడి
మోయురీతి యేసు కాపాడు మిమ్మున్ – చేతులందు మోయుచుండును
సీయోను వాసులగు భక్తులారా – సంతోష గీతములు పాడుడి

2. యేసు దివ్యరక్షకుని స్తుతించు – పాపమునకై మరణించెను
బండ నిత్యరక్షణ నిరీక్షణుండు – సిల్వ వేయబడిన యేసుడు
రక్షకా భరించితి దుఃఖ వార్థిన్ – ముండ్ల మకుట ధారివైతివి
త్యజింపబడి చేయి వీడబడిన – మహిమా ప్రభూ నీకే స్తోత్రము

3. యేసు దివ్య రక్షకుని స్తుతించు – నాక గుమ్మములారా పాడుడి
యేసు నిత్యానిత్యము రాజ్యమేలున్ – గురుద్దేవ రాజు నాయనే
.మరణ విజయుడు మాదు రాజు – మృత్యువా నీ ముల్లు యెక్కడ?
యేసు జీవించియున్న జయవీరుండు – నీ గుమ్మముల్ కీర్తించి పాడనీ

యేసు ప్రభును స్తుతించుట

by

“యెహోవా నా శైలము, నా కోట, నన్ను రక్షించువాడు. నా కేడెము, నా రక్షణ శృంగము, నా ఉన్నత దుర్గము, నా దేవుడు. నేను ఆశ్రయించియున్న నా దుర్గము.” కీర్తన Psalm 18:2

పల్లవి : యేసు ప్రభును స్తుతించుట
యెంతో యెంతో మంచిది

1. విలువైన రక్తము సిలువలో కార్చి
కలుషాత్ముల మమ్ము ప్రభు కడిగెను
|| యేసు ||

2. ఎంతో గొప్ప రక్షణ నిచ్చి
వింతైన జనముగా మము జేసెను
|| యేసు ||

3. మా శైలము మా కేడెము
మా కోటయు మా ప్రభువే
|| యేసు ||

4. ఉన్నత దుర్గము రక్షణ శృంగము
రక్షించువాడు మన దేవుడే
|| యేసు ||

5. అతిసుందరుడు అందరిలోన
అతి కాంక్షణీయుడు అతి ప్రియుడు
|| యేసు ||

6. రాత్రింబవళ్ళు వేనోళ్ళతోను
స్తుతుంచుటయే బహు మంచిది
|| యేసు ||

భక్తులారా స్మరియించెదము

by

“ఈయన సమస్తమును బాగుగా చేసియున్నాడు.” మార్కు Mark 7:37

పల్లవి : భక్తులారా స్మరియించెదము
ప్రభుచేసిన మేలులన్నిటిని
అడిగి ఊహించు వాటికన్న
మరి సర్వము చక్కగ జేసె

1. శ్రీయేసే మన శిరస్సై యుండి
మహాబలశూరుండు
సర్వము నిచ్చెను తన హస్తముతో
ఎంతో దయగల వాడు
|| భక్తులారా ||

2. గాలి తుఫానులను గద్దించి
బాధలను తొలగించే
శ్రమలలో మనకు తోడైయుండి
బయలు పరచె తన జయమున్
|| భక్తులారా ||

3. జీవ నదిని ప్రవహింపజేసె
సకల స్థలంబుల యందు
లెక్కకుమించిన ఆత్మలతెచ్చె
పభువే స్తోత్రార్హుండు
|| భక్తులారా ||

4. అపోస్తలుల, ప్రవక్తలను
సువార్తికులను యిచ్చె
సంఘము అభివృద్ధిని చెందుటకు
సేవకులందరినిచ్చె
|| భక్తులారా ||

5. మన పక్షమున తానే పోరాడి
సైతానును ఓడించె
ఇంతవరకును ఆదుకొనెనుగా
తన మహాత్మ్యము జూపె
|| భక్తులారా ||

6. ఈ భువియందు జీవించుకాలము
బ్రతికెదము ప్రభుకొరకే
మనమాయన కర్పించుకొనెదము
ఆయన ఆశయమదియే
|| భక్తులారా ||

7. కొంచెము కాలమే మిగిలి యున్నది
ప్రభువును సంధించుటకై
గనుక మనము నడచుకొనెదము
ప్రభు మార్గముల యందు
|| భక్తులారా ||