best zion songs

“దేవుడు ఆత్మ గనుక ఆయనను ఆరాధించువారు ఆత్మతోను సత్యముతోను ఆరాధింపవలెననెను.” యోహాను John 4:24

పల్లవి : స్తోత్రింతుము నిను మాదు తండ్రి
సత్యముతో ఆత్మతో నెపుడు

అనుపల్లవి : పరిశుద్ధాలంకారములతో
దర్శించెదము శరణం శరణం

1. శ్రేష్ఠ యీవుల యూట నీవే – శ్రేష్ఠ కుమారుని యిచ్చినందున
త్రిత్వమై యేకత్వమైన త్రి-లోక నాథా శరణం శరణం
|| స్తోత్రింతుము ||

2. పాపి మిత్రుడ పాప నాశక – పరమవాసా ప్రేమపూర్ణా
వ్యోమపీఠుడా స్వర్ణమయుడా – పరిశుద్ధాంగుడ శరణం శరణం
|| స్తోత్రింతుము ||

3. ధవళవర్ణుడ రత్నవర్ణుడ – సత్యరూపి యనబడు వాడా
నను రక్షించిన రక్షకుండవు – నాథ నీవే శరణం శరణం
|| స్తోత్రింతుము ||

4. బంగారు వెంట్రుకలు తలపై – ఉంగరములుగ కనబడినవి
వేలలో నతి కాంక్షణీయుడా – వేలకొలది శరణం శరణం
|| స్తోత్రింతుము ||

5. గువ్వల వంటి కన్నులు – పువ్వుల వంటి చెక్కిళ్ళు
మంచి రూపము కలిగినందున – మాకు నీవే శరణం శరణం
|| స్తోత్రింతుము ||

6. చేతులు బంగారుమయము – చెక్కిన రత్నముల వంటివి
కాళ్ళు రాతిస్తంభములవలె – కన్పడుచున్నందున శరణం
|| స్తోత్రింతుము ||

7. సంఘమునకు శిరస్సు నీవే – రాజా నీకే నమస్కారములు
ముఖ్యమైన మూలరాయి – కోట్లకొలది శరణం శరణం
|| స్తోత్రింతుము ||

8. నీదు సేవకుల పునాది – జ్ఞానమునకు మించిన తెలివి
అందముగను కూడుకొనుచు – వేడుకొందము శరణం శరణం
|| స్తోత్రింతుము ||

9. రాజ నీకే నమస్కారములు – గీతములు స్తుతి స్తోత్రములు
శుభము శుభము శుభము నిత్యము – హల్లెలూయా ఆమేన్ ఆమేన్
|| స్తోత్రింతుము ||

“నా ప్రభువా నా దేవా” యోహాను John 20:28

పల్లవి : సుందర రక్షకుడా మాదు స్వతంత్రమైన దేవా

అనుపల్లవి : ఎల్లపుడు మేము నిన్నే స్తోత్రించుచుండు
స్తుతి యిదియే సుందర రక్షకుడా

1. రాజాధిరాజా నీవే – మా – షారోను రోజ నీవే
త్వరగా వత్తుననిన గొప్ప దేవా – నరుల మమ్ము జూడుమా
|| సుందర ||

2. వ్యాధిగ్రస్తుల వైద్యుడా – యూద – గోత్రమున బుట్టితి
నార్తురాలైన నాయీను విధవ – కుమారుని లేపితివి
|| సుందర ||

3. రత్నవర్ణ వదనుడా – యూద – కన్య మరియ కాత్మజా
మన్నించి పరమున జేర్చువాడా – మమ్ము బ్రేమజూడు మా
|| సుందర ||

4. నాకము పట్టలేని – వాడా – లోకమునకు వచ్చితీ జీవ
ప్రాణమిచ్చి దాహము తీర్చితివి – హీనునిలో నుండుమా
|| సుందర ||

5. మార్గం సత్యం జీవమై – మమ్ము – కున్కక కాపాడుచు – అర
చేతిలో మమ్ము చెక్కియున్నవాడా – మంచిగొల్ల బోయుడా
|| సుందర ||

6. ఆశ్చర్యకరుడ నీవే – మంచి – ఆలోచన కర్తయు
బలుడైన దేవుడు నిత్యుడగు తండ్రి సమాధాన ప్రభువు
|| సుందర ||

7. హల్లెలూయా పాడను – మహా – సత్యాత్మ వరమీయను
న్యాయము తీర్చుట కేతెంచువాడా – నిల్వక రారమ్మయా
|| సుందర ||

“దావీదు కుమారునికి జయము” మత్తయి Matthew 21:9

పల్లవి : మంగళమే యేసునకు – మనుజావతారునకు
శృంగార ప్రభువున – కు క్షేమాధిపతికి

1. పరమ పవిత్రునకు – వరదివ్య తేజునకు
నిరుప మానందునకు – నిపుణ వేద్యునకు
|| మంగళమే ||

2. దురిత సంహారునకు – వరసుగుణోదారునకు
కరుణా సంపన్నునకు – జ్ఞానదీప్తునకు
|| మంగళమే ||

3. సత్య ప్రవర్తునకు – సద్ధర్మ శీలునకు
నిత్యాస్వయంజీవునకు – నిర్మలాత్మునకు
|| మంగళమే ||

4. యుక్తస్తోత్రార్హునకు – భక్త రక్షామణికి
సత్యపరంజోతియగు – సార్వభౌమునకు
|| మంగళమే ||

5. పరమపురి వాసునకు – నరదైవ రూపునకు
పరమేశ్వర తనయునకు – బ్రణుతింతుము నీకు
|| మంగళమే ||

“సైన్యముల కధిపతియగు యెహోవా పరిశుద్ధుడు” యెషయా Isaiah 6:3

1. పరిశుద్ధ పరిశుద్ధ పరిశుద్ధ ప్రభువా
వరదూతలైన నిన్ వర్ణింపగలరా

2. పరిశుద్ధ జనకుడా పరమాత్మ రూపుడా
నిరుపమ బలబుద్ధి నీతి ప్రభావా

3. పరిశుద్ధ తనయుడా నరరూప ధారుడా
నరులను రక్షించు కరుణా సముద్రా

4. పరిశుద్ధమగు నాత్మ వరములిడు నాత్మ
పరమానంద ప్రేమ భక్తుల కిడుమా

5. జనక కుమారాత్మలను నేక దేవా
ఘన మహిమ చెల్లును దనర నిత్యముగా

“దేవునియందు భయభక్తులు గలవారలారా, మీరందరు వచ్చి ఆలకించుడి. ఆయన నా కొరకు చేసిన కార్యములను వినిపించెదను” కీర్తన Psalm 66:16

1. నా ప్రియ యేసు నీవే నా శ్రేయంపు రాజవు
దయచే ప్రాయశ్చిత్తమైతివి నాదు రోజవు

2. సాతానుకు నే దాసుదనై నాశమొందగా
నాతాను ద్వారా తెలిపితివి నాదు ప్రియుడా

3. వ్యాదిగ్రస్తుండనై హృదయక్షీణ మొందితిన్
బాధల నొంది తప్పియుంటి నాదు ప్రియుడా

4. తప్పిన రూక, పిల్లవాడు, గొఱ్ఱెవలెనే
తప్పిన నన్ను వెదకి రక్షించితివి ప్రియుడా

5.తలిదండ్రులు విడిచినను నీవు విడువవు
చల్లగ ప్రక్కజేర్చి బ్రోతువీవు ప్రియుడా

6. నావాడవైతివి నేను నీదు వాడను
నాయాపదయందున్న ప్రభువు నాదు ప్రియుడా

7. ప్రభావముతో సాక్ష్యమీయ రాజ్యమేలుచు
ఆ భాగ్యమును చూడనిమ్ము నాదు ప్రియుడా

8. రక్షించితివి హల్లెలూయ పాడునట్లుగా
ఈ క్షితిలో నెల్లరకు చాట నాదు ప్రియుడా