Jesus Songs Telugu Lyrics

“నేనేమైయున్నానో అది దేవుని కృపవలననే అయియున్నాను.” 1 కొరింథీ Corinthians 15:10

పల్లవి : కృపగల దేవుని కొనియాడెదము
కృపచాలు నీకనే ప్రభుయేసు

1. పాపములెన్నియో చేసినవారము
నెపములెంచక తన ప్రాణమిడె
కృపద్వారానే రక్షించె మనల
|| కృపగల ||

2. కృపయు సత్యమును యేసు ద్వారనే
కృపగల దేవుడు ఈ భువికి వచ్చె
కృపతోడనే గాచును మనల
|| కృపగల ||

3. సర్వకృపానిధియగు మన దేవుడు
పరిపూర్ణత నిచ్చి బలపరచును
స్థిరపరచి కాయున్ దుష్టుని నుండి
|| కృపగల ||

4. సర్వ సత్యమును సత్యాత్మ తెల్పున్
సర్వకాలము ప్రభుతో నిలుచుందుము
సర్వము మీవని బోధించె
|| కృపగల ||

5. శ్రమయైనను సిలువ బాధైనను
శ్రమనొందిన క్రీస్తు ప్రభువుతో
క్రమముగా కృపచే సాగెదము
|| కృపగల ||

6. ఇక జీవించువాడను నేను కాను
ఇక జీవించుట నా ప్రభు కొరకే
సకలంబు ప్రభున కర్పింతున్
|| కృపగల ||

7. నేనేమై యుంటినో అది ప్రభు కృపయే
నన్ను నడిపించును ప్రభువు సదా
పెన్నుగా నేర్పును హల్లెలూయ
|| కృపగల ||

“మన ప్రభువైన యేసుక్రీస్తు యొక్క తండ్రియగు దేవుడు స్తుతింపబడును గాక.” ఎఫెసీ Ephesians 1:3-9

పల్లవి : స్తుతియింతుము – స్తోత్రింతుము
పావనుడగు మా – పరమ తండ్రిని

1. నీ నామము ఋజువాయే – నీ ప్రజలలో దేవా
వర్ణింప మా తరమా – మహిమ గలిగిన నీ నామమును
|| స్తుతియింతుము ||

2. మా ప్రభువా మా కొరకై – సిలువలో సమసితివి
మాదు రక్షణ కొరకై – రక్తమును కార్చిన రక్షకుడా
|| స్తుతియింతుము ||

3. మా ప్రభువైన యేసుని – పరిశుద్ధాత్మ ప్రియుని
ప్రియమగు కాపరులన్ – ప్రియమార మా కొసగిన తండ్రి
|| స్తుతియింతుము ||

4. పరిశుద్ధ జనముగా – నిర్దోష ప్రజలనుగా
పరలోక తనయులుగా – పరమ కృపతో మార్చిన దేవా
|| స్తుతియింతుము ||

5. సంపూర్ణ జ్ఞానమును – పూర్ణ వివేచనమును
పరిపూర్ణంబుగ కలుగ – పరిపూర్ణ కృపనిచ్చిన తండ్రి
|| స్తుతియింతుము ||

6. ప్రభు యేసు క్రీస్తులో – పరలోక విషయములో
ప్రతియాశీర్వాదములన్ – ప్రాపుగ నొసగిన పరమ తండ్రి
|| స్తుతియింతుము ||

7. ఎల్లరిలో జీవజలం – కొల్లగ పారునట్లు
జీవంబు నిచ్చితివి – జీవాధిపతి హల్లెలూయ
|| స్తుతియింతుము ||