Jesus Songs Telugu Lyrics

విజయుండు క్రీస్తు ప్రభావముతో

by

“మన ప్రభువైన యేసుక్రీస్తు మూలముగా మనకు జయము అనుగ్రహించుచున్న దేవునికి స్తోత్రము కలుగునుగాక” 1 కొరింథీ Corinthians 15:57

పల్లవి : విజయుండు క్రీస్తు ప్రభావముతో
ఘనవిజయుండాయెను
సాతానుని తలను చితుక ద్రొక్కెను
సదా రాజ్యమేలును

1. ఓ మరణమా నీ ముల్లు యెక్కడ?
ఓ సమాధి నీ విజయమెక్కడ?
సిలువ శక్తితో విరుగగొట్టెను
విజయుండు సర్వంబులో
|| విజయుండు ||

2. యూదా గోత్రంపు సింహమాయనే
గ్రంథమును విప్ప యోగ్యుండు తానే
ఏడు ముద్రలను విప్పెడివాడు
యోగ్యుండు సర్వమందు
|| విజయుండు ||

3. ఆయనే శిరస్సు తన సంఘమునకు
మృతులలో నుండి ప్రథముడై లేచె
మన ప్రభుయేసే మరణమును గెల్చె
సర్వములో ప్రధానుడై
|| విజయుండు ||

4. సింహాసనమందు వున్న మన ప్రభువే
పద్మరాగముల మరకతముల బోలి
సూర్యకాంతివలె ప్రకాశించెను
జయమని పాడెదము
|| విజయుండు ||

5. ఆయన యెదుట సాగిలపడి
నాలుగు జీవులు పెద్దలందరును
సర్వసృష్టికి దేవుండవని
ఆరాధించి మ్రొక్కిరి
|| విజయుండు ||

6. క్రీస్తు యేసు ద్వారా దేవునికే స్తుతులు
విజయమునిచ్చె తన ద్వారా మనకు
అధిక విజయము మనకిచ్చు ప్రభువే
అందరిలో అతిశ్రేష్టుండు
|| విజయుండు ||

నే పాడెద నిత్యము పాడెద

by

“అతడు యధార్థ హృదయుడై … నేర్పరియై వారిని నడిపించెను” కీర్తన Psalm 78:72

పల్లవి : నే పాడెద నిత్యము పాడెద – ప్రభువా నీకు స్తుతి పాడెదన్

1. మంచి కాపరి నీవైతివి గొర్రెలకొరకు ప్రాణమిచ్చితివి
పాపపు పాత్రను నీవే త్రాగితివి రక్షణ పాత్రను నా కొసగితివి
హర్షించి ప్రభు పాడెదను
|| నే పాడెద ||

2. గొప్ప కాపరివి తోడై యున్నావు ప్రతి అవసరతల్ తీర్చుచున్నావు
నా ప్రాణమునకు సేదనుదీర్చి మరణలోయలలో తోడై యుందువు
యాత్రలో పాడుచు వెళ్ళెదను
|| నే పాడెద ||

3. ఆత్మల కాపరి సత్యవంతుడవు గొర్రెలన్నిటికి కాపరి నీవై
ద్వేషించెదవు దొంగకాపరులన్ నీగొర్రెలు నీస్వరమును వినును
హృదయపూర్తిగ పాడెదను
|| నే పాడెద ||

4. ప్రధానకాపరి ప్రేమమయుడవు త్వరగా నీవు ప్రత్యక్షమౌదువు
మహిమకిరీటము నాకొసగెదవు పరమనగరమందు నన్నుంచెదవు
ఎలుగెత్తి ప్రభు పాడెదను
|| నే పాడెద ||

ఓ ప్రభు నీవే ధన్యుడవు

by

“క్రీస్తునందు … ప్రతి ఆశీర్వాదము మన కనుగ్రహించెను” ఎఫెసీ Ephesians 1:3-11

పల్లవి : ఓ ప్రభు నీవే ధన్యుడవు (2)
సృష్టి నిన్ను స్తుతించును నీ యోగ్యతను బట్టి (1)
ఉల్లసించుచున్నది అద్భుతము నీ సంకల్పం (2)

1. స్తుతి ప్రశంస ప్రభుయేసునకే క్రీస్తు నందు తండ్రి సర్వంచేయున్
పరమందలి ప్రతి ఆశీర్వాదం క్రీస్తు నందు మనకు సర్వంనొసగె
|| ఓ ప్రభు ||

2. జగత్తు పునాది వేయకమునుపే ఏర్పర్చుకొనె మనల క్రీస్తు ప్రభులో
పరిశుద్ధులుగా నిర్దోషులుగా జేసె పరలోక దీవెనలు మనకొసగె
|| ఓ ప్రభు ||

3. తనదు పరలోక సంకల్పము ద్వారా – తన కుమారులుగాను స్వీకరించె
ఒకదినము అధికారము మనకొసగును – యేసునందుకలదీ ఆశీర్వాదం
|| ఓ ప్రభు ||

4. తన కృపామహదైశ్వర్యమునుబట్టి తన వారిగమనల స్వీకరించె
తన రక్తముతో విమోచించి క్షమాపణ మనకు క్రీస్తులో నొసగె
|| ఓ ప్రభు ||

5. తన చిత్త మర్మములను తెలిపి కాలము సంపూర్ణమైనప్పుడు
తన చిత్తము ద్వారా సర్వము చేసిన తన స్వాస్థ్యముగా మనల జేసెను
|| ఓ ప్రభు ||

నా ప్రభు ప్రేమించెను (2)

by

“నన్ను ప్రేమించి నా కొరకు తన్ను తాను అప్పగించుకొనెను” గలతీ Galatians 2:20

పల్లవి : నా ప్రభు ప్రేమించెను (2)
నన్ను ప్రియుడైన క్రీస్తు ప్రేమించెను
నాకై తానే అర్పించుకొనెను (2)

1. ప్రేమించెను నన్ను ప్రేమించెను – పరిమళ సువాసన ప్రభువాయెను
యెహోవా సన్నిధిలో అర్పించెను (2) మహాబలి గావించెను
|| నా ప్రభు ||

2. శాశ్వత ప్రేమతో ప్రేమించెను – సంఘమును క్రీస్తు ప్రేమించెను
దాని కొరకు క్రీస్తు సర్వమిచ్చెను – తన ప్రాణమును అర్పించెను
|| నా ప్రభు ||

3. మొదటాయనే నన్ను ప్రేమించెను – తన్ను ప్రేమింపను నేర్పించెను
దేవుడే ప్రేమామయుడని తెల్పెను – ప్రియముగ ప్రాయశ్చిత్తంబాయెను
|| నా ప్రభు ||

4. లోకమును ఎంతో ప్రేమించెను – కార్చెను రక్తము పాపులకై
కడిగెను నన్ను తన రక్తముతో – నాకై మరణము సహించెను
|| నా ప్రభు ||

5. ప్రభువా నిన్నే ప్రేమింతును – నీ నామమునే ప్రేమింతును
నీ రక్షణ నాకు ప్రియమైనది – నీ మందిరమున్ ప్రేమింతును
|| నా ప్రభు ||

మా ప్రభుయేసు నీవే మా సర్వము

by

“నీ మందిరము యొక్క సమృద్ధివలన వారు సంతృప్తి నొందుచున్నారు” కీర్తన Psalm 36:8

పల్లవి : మా ప్రభుయేసు నీవే మా సర్వము
మహిన్ మాకెపుడు నీతోనే స్నేహము

1. సంతృప్తి నీ మందిరమున గలదు
అందానంద ప్రవాహంబు మెరిసింది
వింతైన జీవపు యూటందు గలదు
యెంతైన మా పూజార్హుండ వీవే
|| మా ప్రభుయేసు ||

2. ఇంతటి ప్రేమను నేనెంతో పొందియు
మొదటి ప్రేమ నెంతో విడచి పెట్టితిని
సదయాక్షమించి మొదటి ప్రేమ నిమ్మయా
సతతంబు మా పూజార్హుండ వీవే
|| మా ప్రభుయేసు ||

3. మా తలపు మాటల్లో మా చూపు నడకలో
మేము కూర్చున్న నిలుచున్న వీక్షించిన
మక్కువతో మా ప్రభున్ మెప్పించెదము
యెక్కడైనా మా యేసు సన్నిధిలో
|| మా ప్రభుయేసు ||

4. పరిశుద్ధంబైనది నీ దివ్య నైజము
పరిశుద్ధంబైన జీవితమే మా భాగ్యము
పరిశుద్ధ ప్రజలుగ మమ్ము సరిజేసి
పాలించుము ప్రభుయేసు రారాజ
|| మా ప్రభుయేసు ||

5. సోదర ప్రేమ సమాధానంబులతో
సాత్వీక సంతోష భక్తి వినయాలతో
వింతైన మాదు స్తుతి పరిమాళాలతో
వినయంబున పూజింతుము నిన్ను
|| మా ప్రభుయేసు ||