#seeyonu geethamulu hebron songs

“నా ప్రియుడు ధవళవర్ణుడు రత్నవర్ణుడు” పరమగీతము Song Of Songs 5:10

పల్లవి : ప్రియయేసు ప్రియయేసు
అతి ప్రియుడేసు పదివేలలో
ఆయనే నా దిక్కుగా కెవ్వరు?

1. ఇహమందు వేరేది పేరే లేదు
ఆయనే నా కొసగె ఆత్మానందం
నన్ను విమోచించి నా కొసగె విడుదల
ఆహా నా కందించె నిత్య ముక్తి
ǁ ప్రియయేసు ||

2. దైవపుత్రుండే నా ప్రియుడు యేసు
ప్రాయశ్చిత్తుడైన గొర్రెపిల్ల
యిహమున కరిగెను తన రక్తమిచ్చెను
కల్వరిపై ప్రాణమర్పించెను
|| ప్రియయేసు ||

3. సిలువలో వ్రేలాడి బలిగా నాయెన్
విలువైన ప్రాణము అప్పగించెన్
నలుగ గొట్టబడి గాయముల నొంది
తిరిగి లేచెను నా ప్రియుడు యేసు
|| ప్రియయేసు ||

“… సాగిలపడి ఆయనను పూజించిరి” మత్తయి Matthew 2:11

పల్లవి : ఆశించుము ప్రభు – యేసు పాదములను
వాసిగ పాపుల – కాశ్రయములవి

1.యేసుని కీర్తిని కొనియాడెదము
యేసుని ప్రేమ చాటించెదము
యేసుని నామంబే మన జయము
ǁ ఆశించుము ||

2. యేసే ప్రేమ యేసే రక్షణ
యేసే జ్యోతి యేసే జీవం
యేసు ప్రభువునకే స్తుతియు మహిమ
|| ఆశించుము ||

3. సుజనుండేసుని భజనలు చేసి
నిరతంబాయన స్మరణము జేసి
ధన్యుండేసే యని పాడుమా
|| ఆశించుము ||

4. సార్వత్రికము తన సృష్టియే
తన వారికి కృపానిధియే
తన ప్రేమను మరువగ బోకు
|| ఆశించుము ||

5. యేసు పాదముల చేరి స్తుతించు
ఆత్మ ప్రాణ శరీ-రము నర్పించు
యేసుని నీదు ప్రభువుగా నెంచి
|| ఆశించుము ||