#seeyonu geethamulu hebron songs

యేసు ప్రభును స్తుతించుట

by

“యెహోవా నా శైలము, నా కోట, నన్ను రక్షించువాడు. నా కేడెము, నా రక్షణ శృంగము, నా ఉన్నత దుర్గము, నా దేవుడు. నేను ఆశ్రయించియున్న నా దుర్గము.” కీర్తన Psalm 18:2

పల్లవి : యేసు ప్రభును స్తుతించుట
యెంతో యెంతో మంచిది

1. విలువైన రక్తము సిలువలో కార్చి
కలుషాత్ముల మమ్ము ప్రభు కడిగెను
|| యేసు ||

2. ఎంతో గొప్ప రక్షణ నిచ్చి
వింతైన జనముగా మము జేసెను
|| యేసు ||

3. మా శైలము మా కేడెము
మా కోటయు మా ప్రభువే
|| యేసు ||

4. ఉన్నత దుర్గము రక్షణ శృంగము
రక్షించువాడు మన దేవుడే
|| యేసు ||

5. అతిసుందరుడు అందరిలోన
అతి కాంక్షణీయుడు అతి ప్రియుడు
|| యేసు ||

6. రాత్రింబవళ్ళు వేనోళ్ళతోను
స్తుతుంచుటయే బహు మంచిది
|| యేసు ||

భక్తులారా స్మరియించెదము

by

“ఈయన సమస్తమును బాగుగా చేసియున్నాడు.” మార్కు Mark 7:37

పల్లవి : భక్తులారా స్మరియించెదము
ప్రభుచేసిన మేలులన్నిటిని
అడిగి ఊహించు వాటికన్న
మరి సర్వము చక్కగ జేసె

1. శ్రీయేసే మన శిరస్సై యుండి
మహాబలశూరుండు
సర్వము నిచ్చెను తన హస్తముతో
ఎంతో దయగల వాడు
|| భక్తులారా ||

2. గాలి తుఫానులను గద్దించి
బాధలను తొలగించే
శ్రమలలో మనకు తోడైయుండి
బయలు పరచె తన జయమున్
|| భక్తులారా ||

3. జీవ నదిని ప్రవహింపజేసె
సకల స్థలంబుల యందు
లెక్కకుమించిన ఆత్మలతెచ్చె
పభువే స్తోత్రార్హుండు
|| భక్తులారా ||

4. అపోస్తలుల, ప్రవక్తలను
సువార్తికులను యిచ్చె
సంఘము అభివృద్ధిని చెందుటకు
సేవకులందరినిచ్చె
|| భక్తులారా ||

5. మన పక్షమున తానే పోరాడి
సైతానును ఓడించె
ఇంతవరకును ఆదుకొనెనుగా
తన మహాత్మ్యము జూపె
|| భక్తులారా ||

6. ఈ భువియందు జీవించుకాలము
బ్రతికెదము ప్రభుకొరకే
మనమాయన కర్పించుకొనెదము
ఆయన ఆశయమదియే
|| భక్తులారా ||

7. కొంచెము కాలమే మిగిలి యున్నది
ప్రభువును సంధించుటకై
గనుక మనము నడచుకొనెదము
ప్రభు మార్గముల యందు
|| భక్తులారా ||

అనుదినము మా భారము – భరించే దేవా

by

“ప్రభువు స్తుతినొందును గాక. అనుదినము ఆయన మా భారము భరించుచున్నాడు. దేవుడే మాకు రక్షణకర్తయై యున్నాడు.” కీర్తన Psalm 68:19

పల్లవి : అనుదినము మా భారము – భరించే దేవా
అనిశము నీ మేళ్ళతో – నింపుచున్నావు

1. సన్నుతించు మనిశము – నా ప్రాణమా యేసుని
పరిశుద్ధ నామమును – పొగడు మెప్పుడు
ఒంటె బరువు దీవెనలు – వీపున మోసె
|| అనుదినము ||

2. నా శరీరమున ముల్లు – బాధపరచుచుండగా
వేదనతో వేడగా – ధైర్యమిచ్చితివి
నా కృప నీ కెల్లప్పుడు – చాలునంటివి
|| అనుదినము ||

3. అపరాధముతో మేము చిక్కుకొని యుండగా
నీ రక్తముచే మమ్ము – విమోచించితివి
నీదు కృపా మహదై-శ్వర్యంబును బట్టి
|| అనుదినము ||

4. అన్నిటిలో నెప్పుడు – సకల సంపదలతోను
సమృద్ధితో మమ్ములను – సాకుచుంటివి
కృపా క్షేమములను మాపై – కుమ్మరించితివి
|| అనుదినము ||

5. సర్వవేళల సంతృప్తిని – నేర్పినావు మాకిల
సకలంబును చేయుటకు – శక్తి నిచ్చితివి
బలపరచుము నిన్ను బట్టి – బలుడవు దేవా
|| అనుదినము ||

భజియింప రండి ప్రభుయేసుని

by

“యథార్థముగా ఆరాధించువారు ఆత్మతోను సత్యముతోను తండ్రిని ఆరాధించు కాలము వచ్చుచున్నది.” యోహాను John 4:23

పల్లవి : భజియింప రండి ప్రభుయేసుని
ఆత్మసత్యములతో ప్రేమామయుని పరమ తండ్రిని

1. పాప క్షమాపణ మనకిచ్చెను
మనల విమోచించె రక్తముతో
జయము జయము మన ప్రభుకే
|| భజియింప ||

2. ఆత్మమందిర ప్రత్యక్షత నొసగెన్
నేత్రము తెరచెను యేసుని చూడ
ఆశ్చర్యకరుడు సదాకాలము
|| భజియింప ||

3. ఘనత పొంద సదా రాజ్యము నిచ్చె
స్వాస్థ్యము పొంద వారసులమైతిమి
హోసన్న హోసన్న విజయునికే
|| భజియింప ||

4. జగమును జయించే జీవితమునిచ్చె
సిలువ శక్తిచే మనలను గాచెగా
స్తుతులర్పింతుము ముక్తిదాతకే
|| భజియింప ||

5. సంఘము ప్రభుని చేర తేరిచూచెగా
సదాకాల మాయనతో నుండ నెప్పుడు
సాగిలపడెదము సృష్ఠికర్తకే
|| భజియింప ||

స్తుతి ప్రశంస పాడుచు కీర్తింతు నిత్యము

by

“దేవునియందు భయభక్తులు గలవారలారా, మీరందరు వచ్చి ఆలకించుడి. ఆయన నాకొరకు చేసిన కార్యములను నేను వినిపించెదను.” కీర్తన Psalm 66:16

పల్లవి : స్తుతి ప్రశంస పాడుచు కీర్తింతు నిత్యము
మహా రక్షణ నిచ్చియు మనశ్శాంతి నిచ్చెను

1. పాపలోక బంధమందు దాసత్వమందుండ
నీ రక్తశక్తిచే ప్రభు విమోచించితివి
|| స్తుతి ||

2. పాప భారముచే నేను దుఃఖము పొందితి
నా ప్రభువే భరించెను నా దుఃఖ బాధలు
|| స్తుతి ||

3. హృదయాంధకారముచే నేను దారి తొలగితి
ప్రభువే జ్యోతి యాయెను సత్యమార్గము చూపె
|| స్తుతి ||

4. పెంటకుప్పనుండి నన్ను లేవనెత్తితివి
దరిద్రుడనైన నన్ను రాజుగా జేసితివి
|| స్తుతి ||