#seeyonu geethamulu hebron songs

స్తోత్రించెదము దైవకుమారుని

by

“నా పాదములు బండమీద నిలిపి నా అడుగులు స్థిరపరచెను.” కీర్తన Psalm 40:2

పల్లవి : స్తోత్రించెదము దైవకుమారుని – నూతన జీవముతో
నిరంతరము మారని రాజును – ఘనంబు చేయుదము

1. యేసు మా రక్షకుడు – కల్మషము లేనివాడు
సమస్తమును కలిగిన యేసు ప్రభునకే హల్లెలూయ
|| స్తోత్రించెదము ||

2. భయంకరమైన భీతిని గొల్పెడు – జిగట ఊబినుండి
బలమైన హస్తముతో నన్ను ఎత్తి – బండపై స్థిరపరచెను
|| స్తోత్రించెదము ||

3. కనుపాపగ నను కాయు ప్రభుండు – కునుకడు నిద్రించడు
తనచేతిలో ననుచెక్కిన ప్రభువును చేరి స్తుతించెదము
|| స్తోత్రించెదము ||

4. తల్లిదండ్రియు యెడబాసినను – విడువక కాయును
ఎల్లప్పుడు నేను భజియించెదను – వల్లభుడేసు ప్రభున్
|| స్తోత్రించెదము ||

5. ఆత్మీయ పోరాటమునకు ప్రభువు – ఆత్మశక్తినిచ్చెన్
స్తుతియు నీకే ఘనతయు నీకే – యుగయుగములలోన
|| స్తోత్రించెదము ||

ఆరాధనలకు యోగ్యుడవు

by

“వారు వధింపబడిన గొర్రెపిల్ల, శక్తియు మహిమయు స్తోత్రమును పొందనర్హుడని గొప్ప స్వరముతో చెప్పుచుండిరి” ప్రకటన Revelation 5:12

పల్లవి : ఆరాధనలకు యోగ్యుడవు – స్తుతి గీతంబులకు పాత్రుడవు
ప్రభుయేసు నిన్ను పూజింతును – మనసార నిన్నే కీర్తించ్తును
ఆరాధనలకు – యోగ్యుడవు

1. భరియించితివి నా రోగములన్ – భరియించితివి నా వ్యసనములన్
అరిగితివి నాకై కలువరికి – పరిహరించితివి పాప శిక్షన్
|| ఆరాధనలకు ||

2. నా యతిక్రమములకై గాయపడి – నా దోషములకై కొట్టబడి
చిందిన సిలువ రక్తములో – నా దారిద్ర్యము తొలగించితివి
|| ఆరాధనలకు ||

3. నశియించిన నను వెదకితివి – నశియించిన నను లేపితివి
నా శాపమును చూపించితివి – నీ శాంతముతో క్షమించితివి
|| ఆరాధనలకు ||

హల్లేలూయ పాడెదా ప్రభు నిన్ను కొనియాడెదన్

by

“నా జీవితకాలమంతయు నేను యెహోవాను స్తుతించెదను. నేను బ్రతుకుకాలమంతయు నా దేవుని కీర్తించెదను.” కీర్తన Psalm 146:2

పల్లవి: హల్లేలూయ పాడెదా ప్రభు నిన్ను కొనియాడెదన్
అన్ని వేళల యందున నిన్ను పూజించి కీర్తింతును
ప్రభువా నిన్ను నే కొనియాడెదన్

1. వాగ్ధానములనిచ్చి నెరవేర్చువాడవు నీవే
నమ్మకమైన దేవా నన్ను కాపాడువాడవు నీవే
ప్రభువా – నిన్ను నే కొనియాడెదన్

2. నాదు శత్రువులను – పడద్రోయు వాడవు నీవే
మహా సామార్థ్యుడవు – నా రక్షణ శృంగము నీవే
ప్రభువా – నిన్ను నే కొనియాడెదన్

3. ఎందరు నిను చూచిరో – వారికి వెలుగు కలిగెన్
ప్రభువా నే వేలుగొందితిన్ – నా జీవంపు జ్యోతివి నీవే
ప్రభువా – నిన్ను నే కొనియాడెదన్

4. భయమును పారద్రోలి – అభయము నిచ్చితివి
ఎబినేజరు నీవై ప్రభు – నన్ను సంరక్షించుచుంటివి
ప్రభువా – నిన్ను నే కొనియాడెదన్

5. కష్టములన్నింటిని ప్రియముగా భరియింతును
నీ కొరకే జీవింతును నా జీవంపు దాతవు నీవే
ప్రభువా నిన్ను నే కొనియాడెదన్

6. ఈ జీవిత యాత్రలో – ఏమి సంభవించిన
మహిమా నీకే ఓ ప్రభూ – ఇదియే నా దీన ప్రార్థనా
ప్రభువా – నిన్ను నే కొనియాడెదన్

మహిమ, ఘనత, స్తుతి ప్రభావము

by

“స్తోత్రమును ఘనతయు మహిమయు ప్రభావము యుగయుగములు కలుగును గాక.” ప్రకటన Revelation 5:13

పల్లవి : మహిమ, ఘనత, స్తుతి ప్రభావము – నీకే కలుగును గాక ఆ. ఆ.
నీకే కలుగును గాక మా దేవా – నీకే కలుగును గాక !

1. బుద్ధి, జ్ఞాన సర్వ సంపదలు – నీ దానములే జ్ఞాన స్వరూపి (2)
జగమును సౄష్టించి – నిర్వహించు వాడవు (2)
నీ జ్ఞానమును – వివరింపతరమా (2)
నీ జ్ఞానముతో నింపు మమ్ము మాదేవా – నీ జ్ఞానముతో నింపు మమ్ము
|| మహిమ ||

2. వెండి బంగారు అష్టైశ్వర్యములు – నీ దానములే శ్రీ మంతుడా
శ్రేష్ఠ ఈవులనిచ్చు – జ్యోతీర్మయుడవు
నీ మహిమైశ్వర్యం – వివరింపతరమా
నీ మహిమైశ్వర్యమిమ్ము మా దేవా – నీ మహిమైశ్వర్యమిమ్ము
|| మహిమ ||

3. అధిక బలము సంపూర్ణ శక్తి – నీ దానములే యుద్దశూరుడా
నీ కసాద్యమైనది లేదే యెహోవా
నీ సర్వశక్తిని – వివరింపతరమా
నీ సర్వశక్తితో నింపు మా దేవా – నీ సర్వశక్తితో నింపు
|| మహిమ ||

4. శాశ్వతమైనది నీ మధుర ప్రేమ – జ్ఞానమునకు మించు ప్రేమాస్వరూపీ
కొలువగలేము నీ – ఘనప్రేమను
సాటిలేని నీ ప్రేమన్ వివరింపతరమా
నీ ప్రేమతో నింపు మమ్ము మా దేవా – నీ ప్రేమతో నింపు మమ్ము
|| మహిమ ||

5. ఆర్పగలేము నీ ప్రేమ అగ్నిని – అగాధ సముద్రముల్ జ్వాలామయుడా
మరణమంత బలమైన – నీ ప్రేమ ధాటిని
అగపె ప్రేమను – వివరింప తరమా
అగపే ప్రేమతో నింపు మా దేవా – అగపే ప్రేమతో నింపు
|| మహిమ ||

నా మనోనేత్రము తెరచి

by

“మీ మనో నేత్రములు వెలిగింపబడినందున” ఎఫెసీ Ephesians 1:17

పల్లవి : నా మనోనేత్రము తెరచి
నా కఠిన హృదయమును మార్చి (2)

అనుపల్లవి : అంధకారములో నేనుండ (2)
వెదకి నన్ రక్షించితివి (1)

1. నే పాప భారము తోడ – చింతించి వగయుచు నుంటి (2)
కల్వరి సిలువలో నా శ్రమలన్ (2) – పొందినన్ విడిపించితివి (1)
|| నా మనోనేత్రము ||

2. వేరైతి లోకము నుండి – నీ స్వరమును విని నినుచేర
సర్వము నే కోల్పోయినను – నీ స్వరమే నా స్వాస్థ్యమయా
|| నా మనోనేత్రము ||

3. ఎన్నాళ్ళు బ్రతికిన నేమి? – నీకై జీవించెద ప్రభువా!
బాధలు శోధనలు శ్రమలలో – ఓదార్చి ఆదుకొంటివయా
|| నా మనోనేత్రము ||

4. ఏమి నీ కర్పించగలను – ఏమీ లేని వాడనయ్యా
విరిగి నలిగిన హృదయముతో – అర్పింతు ఆత్మార్పణను
|| నా మనోనేత్రము ||

5. నీ సన్నిధిని నే కోరి – నీ సన్నిధిలో నేమారి
స్తుతి పాత్రగ ఆరాధింతున్ – యుగ యుగములు సర్వయుగములు
|| నా మనోనేత్రము ||