“ఆయనను ఆరాధించువారు ఆత్మతోను, సత్యముతోను ఆరాధింపవలెను” యోహాను John 4:24
పల్లవి : ఆనందముతో – ఆరాధింతున్ ఆత్మతోను – సత్యముతో
అనుపల్లవి : రక్షణ పాత్ర నేనెత్తుకొని – స్తుతులు నర్పింతును
హర్షించి పొగడి పూజింతును – యేసుని నామమును
1. పాపినైన నన్ను రక్షింపను – సిలువపై నాకై తానెక్కెను
పరిశుద్ధ జీవం నాకివ్వను – మృత్యుంజయుడై లేచెను
|| ఆనందముతో ||
2. మరణపుటురులలో నేనుండగా – నరరూపియై నా కడ కేతెంచెను
పరలోక జీవం నాకివ్వను – మరణపు ముల్లు విరచెను
|| ఆనందముతో ||
3. శత్రుని ఉరి నుండి విడిపింపను – శత్రువుతో నాకై పోరాడెను
పదిలంపు జీవం నాకివ్వను – క్రీస్తునందు నను దాచెను
|| ఆనందముతో ||
4. పరలోక పౌరసత్వం నా కివ్వను – పరమును వీడి ధరకేతెంచెను
సమృద్ధి జీవం నాకివ్వను – తన ప్రాణమర్పించెను
|| ఆనందముతో ||
5. శోధన వేదన బాధలెన్నో – ఈ లోక యాత్రలో ఎదురైనను
ప్రత్యేక జీవం జీవించను – అర్పించుకొందు నీకు
|| ఆనందముతో ||
6. అంగీకరించు – నా జీవితమును – నీ కొరకే ప్రభువా
హల్లెలూయ ఆమెన్ – హల్లెలూయ ఆమెన్ – హల్లెలూయ
|| ఆనందముతో ||