#seeyonu geethamulu hebron songs

“వారు సింహాసనము ఎదుటను, ఆ నాలుగు జీవుల యెదుటను, పెద్దలయెదుటను ఒక క్రొత్త కీర్తన పాడుచున్నారు.” ప్రకటన Revelation 14:3

సర్వ కృపానిధియగు ప్రభువా
సకల చరాచర సంతోషమా
స్తొత్రముచేసి స్తుతించెదము
సంతసముగ నిను పొగడెదము

పల్లవి : హల్లెలూయా హల్లెలూయా
హల్లెలూయా యని పాడెదను
ఆనందముతో సాగెదను
నే నానందముతో సాగెదను

1. ప్రేమించి నన్ను వెదకితివి
ప్రీతితో నను రక్షించితివి
పరిశుద్దముగా జీవించుటకై
పాపిని నను కరుణించితివి
|| హల్లెలూయా ||

2. అల్పకాల శ్రమలనుభవింప
అనుదినము కృప నిచ్చితివి
నాథుని అడుగుజాడలలో
నడచుటకు నను పిలచితివి
|| హల్లెలూయా ||

3. మరణ శరీరము మార్పునొంది
మహిమ శరీరము పొందుటకై
మహిమాత్మతో నను నింపితివి
మరణ భయములను తీర్చీతివి
|| హల్లెలూయా ||

4. భువినుండి శ్రేష్ఠ ఫలముగను
దేవునికి నిత్య స్వాస్థ్యముగా
భూజనములలో నుండినను
ప్రేమించి క్రయధన మిచ్చితివి
|| హల్లెలూయా ||

5. ఎవరు పాడని గీతమును
యేసుని గూర్చి పాడుటకై
హేతువు లేకయే ప్రేమించెను
యేసుకు నేనేమివ్వగలను
|| హల్లెలూయా ||

“అతడు నన్ను విందుశాలకు తోడుకొనిపోయెను. నామీద ప్రేమను ధ్వజముగా ఎత్తెను.” పరమగీతము Song Of Songs 2:4

పల్లవి : స్తోత్ర గీతములను పాడుచు – ప్రియ ప్రభుని పూజించుడి
హల్లెలూయ – హల్లెలూయ – హల్లెలూయ
హల్లెలూయ – హల్లెలూయ – హల్లెలూయ
స్తోత్ర గీతములను పాడుచు – ప్రియ ప్రభుని పూజించుడి

1. రారండి సంతసించుచు – రారాజును కీర్తించను
రాజులకు రాజని – ప్రభువులకు ప్రభువని
రమ్యమైన రాజును స్తుతించెదం
|| స్తోత్ర ||

2. సిలువలో బలియాయెను – విలువైన రక్తము కార్చెను
ఎంత శ్రమనొందెను – ఎంత బాధ నోర్చెను
తన రక్తముతో మనల కొనెగదా
|| స్తోత్ర ||

3. విందు శాలకు తెచ్చెను – ప్రేమ ధ్వజము పైకెత్తెను
వింత సుందరుడని – వేలలో శ్రేష్ఠుడని
ఎంతైన జేయు సామర్థ్యుడని
|| స్తోత్ర ||

4. మన ఆత్మ ప్రాణ – దేహముల్ – సజీవముగ నర్పింతుము
అత్తరును పూసిన – మరియ వలె మనమును
పరిమళంబులన్ వ్యాపింప జేయుదం
|| స్తోత్ర ||

5. ప్రశంసించె ప్రభువు మరియను – మంచి కార్యము చేసెనని
ప్రభువు కొరకు చేయుము – ప్రాణము నర్పించుము
ప్రభువే సర్వము మనకు
|| స్తోత్ర ||

6. మరణమున్ తానే గెల్చెను – సైతానును ఓడించెను
మరణమున్ మ్రింగెను – మరణముల్లు విరిచెను
జయము జయమటంచు ఆర్భటించెదం
|| స్తోత్ర ||

7. ఆర్భాటముగా ప్రభువు – మేఘారూఢుడై వచ్చును
నిశ్చయముగా మనలను కొనిపోవు వేగమే
మహిమ దేహములను పొంది యుందుము
|| స్తోత్ర ||.