#seeyonu geethamulu hebron songs

“యెహోవా మహాత్మ్యము గలవాడు. ఆయన అధిక స్తోత్రము నొందదగినవాడు.” కీర్తన Psalm 145:3

పల్లవి : ప్రభువా నీ గొప్పతనము – స్తుతికి యోగ్యము
అశక్యమైనది – వర్ణించలేమిల
1. సృష్టి గొప్పది అద్భుతమేగా – సంకల్పమెంతో వుత్తమము
మానవజాతి కొరకై ప్రభూ – సిద్దపరచె సమస్తము
నీదు పనులు నీ సామర్ధ్యము వర్ణించలేమిల
|| ప్రభువా ||

2. నీ రూపమున నరుని సృజించి – అధికారము నిచ్చితివి
క్రీస్తునందు నిర్దోషినిగా – నిలువబెట్ట గోరితివి
నీదు దయ నీ మంచితనము వర్ణించలేమిల
|| ప్రభువా ||

3. సృష్టిని చేసిన శక్తికంటె – పాపికి రక్షణ గొప్పది
నీ యొద్ద నున్న సర్వమిచ్చి – విలువగు ముత్యము కొన్నావు
నీ ఐశ్వర్యము నీ మహిమను వర్ణించలేమిల
|| ప్రభువా ||

4. నీకు మానవుడమూల్యము – నీవు ప్రేమించుచున్నావు
అందుకే నీ ప్రాణమర్పించి – రక్తము కార్చి రక్షించితివి
నీ అద్భుత ప్రేమ నీ కృప వర్ణించలేమిల
|| ప్రభువా ||

5. అద్భుతమైన నూతన సృష్టి – మానవునికి నిచ్చితివి
రాజులనుగ యాజకులుగ వారసులుగను చేసితివి
నీ రాజ్యము నీ ప్రభావము వర్ణించలేమిల
|| ప్రభువా ||

6. ఉల్లాసముతో సృష్టి మైమరచే – అద్భుత కార్యములను చూచి
సంతోషించి ఆరాధించిరి – నీవే సర్వమని చెప్పిరి
నీ ప్రభుత్వము నీదు సత్యము వర్ణించలేమిల
|| ప్రభువా ||

“దేవుని స్తుతించుచు … దేవాలయములోనికి వెళ్ళెను” అపొస్తలుల కార్యములు Acts 3:8

పల్లవి : ఆనంద మానంద మానందమే – ఆనంద మానందమే

1. నా ప్రియ యేసు – గొప్ప రక్షణనివ్వ సిలువలో బలియాయెన్
|| ఆనంద ||

2. నా ప్రియ యేసు – పాప పడకనుండి నన్ను పైకి లేపెను
|| ఆనంద ||

3. నా ప్రియ యేసు – తన రక్తములో ప్రేమతో నను కడిగెను
|| ఆనంద ||

4. నా ప్రియ యేసు – బాప్తిస్మమున నన్నైక్యపరచెను
|| ఆనంద ||

5. నా ప్రియ యేసు – నీతి వస్త్రము నాకు ప్రీతితో తొడిగెను
|| ఆనంద ||

6. నా ప్రియ యేసు – గొప్ప రక్షణను నిర్లక్షించెదనా?
|| ఆనంద ||

7. నా ప్రియ యేసు – స్తుతిపాత్రుండని హల్లెలూయా పాడెదను
|| ఆనంద ||