“నా ప్రియుడు ధవళవర్ణుడు రత్నవర్ణుడు” పరమగీతము Song Of Songs 5:10
పల్లవి : శాంతిదాయక యేసు ప్రభూ
శాంతిదాయక యేసు శాంతిదాయక
1. ధవళవర్ణుడ రత్న వర్ణుడ – మహిమపూర్ణుడ మనోహరుడా
నిత్య రాజ్య మహిమకు పిల్చిన – సత్యముగ నిన్ను పూజించెదము
|| శాంతిదాయక ||
2. పరజనులను పరదేశులను – పరిశుద్ధులతో నైక్యపరచి
పరలోక పౌరులుగా మార్చి – పరలోక పిలుపుకు లోబర్చిన
|| శాంతిదాయక ||
3. సువార్తతో మమ్ము పిలిచితివి – సువార్తికులుగ చేసితివి
రిక్తులకు మహదైశ్వర్య మిచ్చి – శక్తితో వారసులుగ చేసిన
|| శాంతిదాయక ||
4. ఆదియం దేర్పరచు కొంటివి – ఏవి నీచమో ఏవి ఘనమో
గురుతుపట్టి ఎరుగ మంటివి – నోరుగ జేతునను వాగ్దానము
|| శాంతిదాయక ||
5. స్వర్ణమయుడా కాంక్షణీయుడా – పదివేలలో గుర్తింప యోగ్యుడా
బోధింప నేర్పు శుద్ధాత్ముని – శోధింపలేని ఐశ్వర్యము నిచ్చె
|| శాంతిదాయక ||
6. అక్షయ జీవమిచ్చిన రక్షక – పరీక్షలో నిల్చు నిరీక్షణలో
అక్షయ దేహ మిచ్చెదవని – ప్రత్యక్షతకై వేచియుండెదము
|| శాంతిదాయక ||
7. సర్వ కృపానిధి సర్వేశ్వరా – సర్వము స్వతంత్రించుకొన
ఉర్వియందు విజయములే యని – సర్వోన్నతుడు నుడివెను
|| శాంతిదాయక ||
8. పరలోకానంద పరిపూర్ణుడా – సకలాశీర్వాద సంయుతుడా
మహిమ ఘనత ప్రభావంబులు – నీవే యని ప్రహర్షించెదము
|| శాంతిదాయక ||