“కీర్తనలు పాడుచు ఆయన పేరిట సంతోషగానము చేయుదము” కీర్తన Psalm 95:2
పల్లవి : ప్రభో నీదు మహిమను పాడి నిను స్తుతించుచున్నాము
1. మాదు హృదయ కానుకలను
సమర్పించుచున్నాము
|| ప్రభో ||
2. యేసు సుందర శీలము గల్గి
నీ సన్నిధి కేతెంచితిమి
|| ప్రభో ||
3. నీ దివ్య వాక్య బలముచే
నూతన జీవము నొందితిమి
|| ప్రభో ||
4. నీ వాక్యము నే చాటించుటకు
నొసగుము సోదర ప్రేమను
|| ప్రభో ||
“క్రీస్తే సర్వమును అందరిలో నున్నవాడై యున్నాడు” కొలస్సయులకు Colossians 3:11
1. సర్వశక్తుడు నాకు – సర్వమాయనే
సర్వమాయనే – నాకు సమస్తమాయనే
2. మార్గ సత్యజీవంబు – యేసునాథుడే
మార్గమాయనే – ఏకమార్గమాయనే
3. జీవాహారము జీవపానము నాయనే
జలము నాయనే – శాంతజల మాయనే
4. ఆదియంతము అల్ఫా ఓమేగాయనే
ఓమేగాయనే – ఏకసుతుడాయనే
5. రక్షణ పరిశుద్ధత నీతియాయనే
నీతియాయనే – దేవ నీతి యాయనే
6. పునరుత్థానము నిత్య జీవమాయనే
జీవమాయనే – నిత్య జీవమాయనే
7. హల్లెలూయకు సర్వపాత్రుడాయనే
పాత్రుడాయనే – ఆశ్రయ దుర్గమాయనే