#siyonu geethalu

“జగత్తు పునాది వేయబడక మునుపే, ప్రేమచేత ఆయన క్రీస్తులో మనలను ఏర్పరచుకొనెను” ఎఫెసీ Ephesians 1:6

పల్లవి: పాడెద దేవా – నీ కృపలన్
నూతన గీతములన్ – స్తోత్రము చెల్లింతున్
స్తుతి స్తోత్రము చెల్లింతున్ (2)

1. భూమి పునాదులు వేయకముందే యేసులో చేసితివి (2)
ప్రేమ పునాదులు వేసితివి దీనుని బ్రోచితివి
ఈ దీనుని బ్రోచితివి

2. ప్రవిమల రక్తము కలువరి సిలువలో కలునకు నిచ్చితివి
ప్రేమ కృపా మహదైశ్వర్యములతో పాపము తుడిచితివి
నా పాపము తుడిచితివి

3. పాపము శాపము నరకపు వేదన మరి తొలగించితివి
అపరాధములచే చచ్చిన నన్ను ధర బ్రతికించితివి
నన్ను బ్రతికించితివి

4. దేవుని రాజ్యపు వారసుడనుగా క్రీస్తులో చేసితివి
చీకటి రాజ్యపు శక్తుల నుండి నను విడిపించితివి
చెర నను విడిపించితివి

5. ముద్రించితివి శుద్ధాత్మతో నన్ను భద్రము చేసితివి
సత్యస్వరూప నిత్యనివాసి సొత్తుగా చేసితివి
నీ సొత్తుగా చేసితివి

6. అన్యుడనై నిన్ను ఎరుగక యున్నాను ధన్యుని చేసితివి
ప్రియ పట్టణ పౌరుల సేవింపను వరముల నొసగితివి
కృప వరముల నొసగితివి

“క్రీస్తు మన కోసము శాపమై మనలను … శాపము నుండి విమోచించెను.” గలతీ Galatians 3:14

పల్లవి : నే స్తుతించెదను యేసు నామమును – భజించెదను క్రీస్తు నామమును
స్తుతికి యేసే యోగ్యుడని – నిత్యం నిత్యం నే స్తుతించెదను

1. ఆ ప్రభు కృప ప్రేమ కనికరముల్ – వర్ణింప నెవ్వరికి తరమౌనా?
పాపిని నన్ను రక్షించుటకై – చూపేను ప్రేమన పారముగా
|| నే స్తుతించెదను ||

2. పాపములన్నియు బాపుటకై – శాపములన్నియు మాపుటకై
ఏ పాపమెరుగని ఆ పావనుడు – శాపగ్రాహియై చావొందెను
|| నే స్తుతించెదను ||

3. శోధన కాలముల యందున – వేదన కాలముల యందున
నాధుడు యేసు మనతోడనుండ – అంతమేగా మన చింతలకు
|| నే స్తుతించెదను ||

4. ఎనలేని ప్రేమతో కౌగిలించెను – ఎంచలేని మేళ్ళతో నన్ను నింపెను
మహామహుండు మహిమ ప్రధానుడు – మహిమతో వచ్చును మేఘముపై
|| నే స్తుతించెదను ||

5. రాజాధిరాజు ప్రభు యేసే – దేవాదిదేవుడు మన యేసే
పరమందు దూతలు యిహమందు నరులు – పాడుడి ప్రభునకు హల్లెలూయా
|| నే స్తుతించెదను ||

“అబ్రామా, భయపడకుము; నేను నీకు కేడెము, నీ బహుమానము అత్యధికమగును” ఆదికాండము Genesis 15:1

పల్లవి : కృపాతిశయముల్ ఓ నా యెహోవా – నిత్యమున్ కీర్తింతును
తరతరములకు నీ విశ్వాస్యతన్ – తెలియ జేసెదను

1. యెహోవా వాక్కు దర్శనమందు – అబ్రామునకు వచ్చెను
అబ్రామా భయపడకు – 2
నీ కేడెమును – బహుమానము నేనై యున్నాననెను – 2
|| కృపాతిశయముల్ ||

2. నా నిబంధనన్ ఏ నాటికిన్
రద్దుపరచనని పల్కెన్ – మార్చవు నీ మాటను
నీ పెదవులతో పల్కిన దానిని దృఢము చేతువు
|| కృపాతిశయముల్ ||

3. శాశ్వతమైనదా ప్రభుత్వము – తొలగిపోదే నాటికిన్
లయము కాదు ఆ రాజ్యం
మహిమ ఘనత ఆధిపత్యమును నీవాయెన్ నిత్యము
|| కృపాతిశయముల్ ||

4. నీ నిబంధనన్ దావీదుతోడని లేవీయులతో జేసితివి
ఆకాశ తారల వలెన్
సముద్ర ఇసుక రేణువులంతగ జేసెదనంటివి
|| కృపాతిశయముల్ ||

5. దివారాత్రులతో నా నిబంధన
మార్చెదరా మీరు మీరునట్లు – అట్లయిన భంగమగున్
దావీదుతోనే జేసినయట్టి నిబంధనంటివి
|| కృపాతిశయముల్ ||

6. సింహాసనమున దావీదు – సంతతి యుండక మానదు
లేవీయుల్ యాజకులన్
నా పరిచారకులందరిన్ ఫలింపజేసెదనంటివి
|| కృపాతిశయముల్ ||

7. యెహోవా నీ కృప కార్యములన్నియు
వీనుల విందుగ నొప్పుచుండె
శ్లాఘింతున్ మనసారగన్
హల్లెలూయ – స్తోత్రములతో – కీర్తింతు నిత్యము
|| కృపాతిశయముల్ ||