#siyonu geethalu

ప్రభువా నీదు ఘననామమున్ మేము

by

“ప్రతివాని మోకాలును యేసు నామమున వంగునట్లు”  ఫిలిప్పీ Philippians 2:10

పల్లవి : ప్రభువా నీదు ఘననామమున్ మేము
పొగడిపాడ హృదయ ముప్పొంగెనే – యేసు
ప్రియుడా నీ పాద సన్నిధి చేర
నాలో నీదు ప్రేమ అధికంబాయనే

1. ఇహ పరము పొగడునట్టి ఘననామమే
ప్రేమ సత్యములు మారని నీ ఘననామమే
శ్రమలన్ని బాపునట్టి ఘననామమే
భక్తులెల్ల వేళ పొగడిపాడు ఘననామమే
|| ప్రభువా ||

2. కీడునంత తొలగించు ఘననామమే
వెదకువారికెల్ల ఔషధమా ఘననామమే
సకల మేళ్ళనిచ్చునట్టి ఘననామమే
ఈ ధరణి ప్రజలు కొనియాడు ఘననామమే
|| ప్రభువా ||

3. అపవాదిని తరిమినట్టి ఘననామమే
మమ్ము ప్రేమతోడ కౌగలించే ఘననామమే
పరిశుద్దులు పొగడునట్టి ఘననామమే
పరిశుద్దుల పరమున జేర్చు ఘననామమే
|| ప్రభువా ||

యేసూ నన్ ప్రేమించితివి – ఆశ్రయము లేనప్పుడు

by

“ప్రభువు ఆమెను చూచి ఆమె యందు కనికరపడెను” లూకా Luke 7:13

పల్లవి : యేసూ నన్ ప్రేమించితివి – ఆశ్రయము లేనప్పుడు
నీ శరణు వేడగానే – నా పాపభారము తొలగె

1. నే దూరమైతి నీకు – నశియించితి లోకమున
నేను గ్రహించలేదు – నీ హృదయ ప్రేమను
|| యేసూ ||

2. నే తలచలే దెప్పుడు – నా అంత మేమవునని
నా పాపములచే నేను – నిన్ను విసిగించితిని
|| యేసూ ||

3. నిన్ను నేగాంచగానే – నా జీవితము మారెను
నేనెంతో గ్రుచ్చబడి – నిన్నంగీకరించితి
|| యేసూ ||

4. రక్షణ దొరికె నాకు రక్తముతో నన్ను కడిగి
రయముగా నీ చెంతకు – రక్షకా తెచ్చితివి
|| యేసూ ||

5. పరిశుద్ధులలో చేర్చి – పరమ స్వాస్థ్యము నిచ్చి
పూర్ణాధికారము నిచ్చి – పరలోకము తెరచితివి
|| యేసూ ||

పావనుడా మా ప్రభువా

by

“అత్యున్నతమైన సింహాసనమందు ప్రభువు ఆసీనుడైయుండెను.” యెషయా Isaiah 6:1

పల్లవి : పావనుడా మా ప్రభువా – నీ రక్షణకై స్తోత్రములు
నీ రక్షణకై స్తోత్రములు

1. అత్యున్నతమైన దేవా – సింహాసనాసీనుడవు
ఎంతో గొప్పది నీ మహిమ – వర్ణింపజాలను నేను
|| పావనుడా ||

2. పాపపు కుష్ఠుతో పడి చెడిన – ఈపాపిని కరుణించితివి
నా పాపపు డాగులు కడిగి – పరిశుద్ధుని చేసిన విభుడా
|| పావనుడా ||

3. అపవిత్రమగు పెదవులతో – కపటముగా జీవించితిని
అపరాధి నోటిని తెరచి – స్తుతి గీతము నొసగిన ప్రభువా
|| పావనుడా ||

4. నీ క్రయధన మధికము ఎంతో – నా కర్త నిను ప్రణుతింతు
నా కందరి కంటె ఘనుడా – ఓ కల్వరి నాథా యేసు
|| పావనుడా ||

5. మహిమ పరతును ప్రభు యేసు – మహదానందముతో నిరతం
మహోన్నతుడా ప్రభు నిన్ను – మహిమలో ఆరాధించెదను
|| పావనుడా ||

6. నా కనులతో నిను చూచెదను – ఆకసమున దూతల మధ్య
రక్షక త్వరగా రారమ్ము – అక్షయుడా నీకే స్తుతులు
|| పావనుడా ||

ప్రభుయేసు నాకై నీ సర్వము నిచ్చితివి

by

“నేనిప్పుడు శరీరమందు జీవించుచున్న జీవితము నన్ను ప్రేమించి, నాకొరకు తన్ను తాను అప్పగించుకొనిన దేవుని కుమారుని యందలి విశ్వాసము వలన జీవించుచున్నాను.” గలతీ Galatians 2:20

పల్లవి : ప్రభుయేసు నాకై నీ సర్వము నిచ్చితివి
ప్రేమనుబట్టి అర్పించు కొంటివి నాకై

1. శిరస్సు నిచ్చితివి ముండ్ల మకుటముకై – స్వామి నా పాపముల కొరకే
సహింపజాలని వేదన బహుగా సహించితివి ప్రేమతోడ
|| ప్రభుయేసు ||

2. కన్నుల నిచ్చితివి కన్నీరు కార్చ – కరుణించి నా స్థితిని జూచి
కరిగె నీ హృదయం దుఃఖంబుతోడ – కడు వేదనతో యేడ్చితివి
|| ప్రభుయేసు ||

3. కొరడా దెబ్బలచే నీ దేహమంత – చారలుగ దున్నబడెను
శరీరమంత రక్తమయమాయెను – వరదా! గాయము లొందితివా
|| ప్రభుయేసు ||

4. కాళ్ళు చేతులలో మేకులు గొట్టిరి – బల్లెముతో ప్రక్కన్ బొడిచిరి
యేలాగు వివరింతు నీ బాధ నేను – ఓర్చితివా మౌనము వహించి
|| ప్రభుయేసు ||

5. ప్రాయశ్చిత్తంబై పోతివా నాకై – పాపము నుండి విడిపించుటకు
పొందితి నెంతో గొప్ప రక్షణను – పశ్చాత్తాపము ద్వారా నేను
|| ప్రభుయేసు ||

6. ఎంత అద్భుతము ప్రభువా నీ ప్రేమ – ఎందు కింతగా ప్రేమించితివి
వందన మర్పింతు నీ పాదములకే – పొందుగ నీ వాడనైతి
|| ప్రభుయేసు ||

7. నా యెడల నీదు సంకల్పమేగా – నీ స్వాస్థ్య మనుభవించుటకు
నీతోడ నిరతం నేనుండునట్లు నీ యధికారం బిచ్చితివి
|| ప్రభుయేసు ||

దేవా నా ప్రభువా నిను గూర్చి ఉప్పొంగె నా హృదయం

by

“ఒక దివ్యమైన సంగతితో నా హౄదయము బహుగా ఉప్పొంగుచున్నది” కీర్తన Psalm 46:1

పల్లవి : దేవా నా ప్రభువా నిను గూర్చి ఉప్పొంగె నా హృదయం

1. నీ నామమును నే ఘనపరచి – హెచ్చించి పూజింతున్
శ్లాఘించి కొనియాడుటలో – నాకిచ్చిన నీ కృపకై
|| దేవా ||

2. ఎండిన భూమిలో లేత మొక్కవలె – పలుశ్రమలను పొందితివి
వ్యసనాక్రాంతుడవై వ్యాధినొంది – నా శిక్షను పొందితివి
|| దేవా ||

3. దవళవర్ణుడ రత్నవర్ణుడవు – నా ప్రియుడవు నీవే ప్రభూ
పదివేలలో నిను గుర్తించెదను – నా పరమ పితా నిన్ను
|| దేవా ||

4. గొర్రెపిల్ల పెండ్లి విందునందు – రారాజు రూపమును
నిరతంబును చూచె నిరీక్షణతో – నింగిని నే జూచెదను
|| దేవా ||