#siyonu geethalu

దావీదు కుమారునికి జయము. ప్రభువు పేరట వచ్చువాడు స్తుతింపబడునుగాక. సర్వోన్నతమైన స్థలములలో జయము అని కేకలు వేయుచుండిరి.” మత్తయి Matthew 21:9

1. శ్రీ రక్షకుని నామము – కీర్తించి కొల్వుడి
కిరీటముంచి చాటుడి – శ్రీ రాజా, రాజా, రాజా, రాజాధిరాజా!

2. శ్రీ యేసుని హత సాక్షులారా – మీ రాజు యీయనే
కిరీటముంచి చాటుడి – శ్రీ రాజా, రాజా, రాజా, రాజాధిరాజా!

3. నరులారా మీ కొరకు – మరణంబు నొందెను
కిరీటముంచి చాటుడి – శ్రీ రాజా, రాజా, రాజా, రాజాధిరాజా!

4. సర్వ జనాంగములారా – శరణ్యు డీయనే
కిరీటముంచి చాటుడి – శ్రీ రాజా, రాజా, రాజా, రాజాధిరాజా!

5. పరంబునందు యేసుకు గిరీటముంచుచు
హర్షంబుతో గీర్తింతుము – శ్రీ రాజా, రాజా, రాజా, రాజాధిరాజా!

నేను సర్వశక్తిగల దేవుడను; నా సన్నిధిలో నడుచుచు నిందారహితుడవై యుండుము.” ఆదికాండము Genesis 17:1

పల్లవి : ఆద్యంత రహిత ప్రభువా
రాజులకు రాజా ప్రభు యేసూ నీవే సదా

1. ఆది జనకుడు ఏదేను తోటలో
శోధనలో పడి వేధించినపుడు
ఆశలన్ని అడియాశలుగా జేసె
అధములను నీవు ఆదరింతువు
అమృతమూర్తి నీవే – ప్రభూ – సాటి నీకెవరు?
|| ఆద్యంత ||

2. స్థానము విడచి తన మహిమ విడచి
అనుదినము నిను దూషించు వైరి
ప్రధానత్వమును పాడుచేసికొని
నీ ప్రభుత్వమున్ నిరాకరించిన
నీచున్ ప్రేమించితివి – ప్రభూ – సాటి నీకెవరు?
|| ఆద్యంత ||

3. పిలిచితివి ఇశ్రాయేలు సంతతిని
వేలకొలది వాగ్దానములతో
కలిమియందున కలతలందున
తొలగిపోయిన తల్లడిల్లిన
చల్లగ కాచితివి – ప్రభూ – సాటి నీకెవరు?
|| ఆద్యంత ||

4. రాజ్యమేలిరి రారాజు లెందరో
రాజనగరుల రత్నాల సిరులతో
రాజ్యకాంక్షతో రణములు సలిపిరి
రథములను చూచి సదయున్ మరచిన
నిత్య సాత్వీకుడవు – ప్రభూ – సాటి నీకెవరు?
|| ఆద్యంత ||

5. పరమ జనకుని పలు వాక్కు లెన్నియో
ధరను ప్రజలకు ప్రవచించు కొరకై
నిర్ణయించితివి దైవజనులను
పేరాశ కలిగి పెడత్రోవ నడచిన
కరుణించితివి వారిన్ – ప్రభూ – సాటి నీకెవరు?
|| ఆద్యంత ||

6. పాడెదన్ ప్రభూ నీ ప్రేమగీతం
పడిచెడిన నన్ను ప్రేమించితివివని
కడిగితివి ప్రభు – కలుషమునెల్ల
విడచిన నేను నీ జాడలన్నియు
నడిపించె నావికుడ – ప్రభూ – సాటి నీకెవరు?
|| ఆద్యంత ||