Songs Of Zion – English

రుచిచూచి ఎరిగితిని – యెహోవా ఉత్తముడనియు

by

“యెహోవా ఉత్తముడని రుచిచూచి తెలిసికొనుడి” కీర్తన Psalm 34:8

పల్లవి : రుచిచూచి ఎరిగితిని – యెహోవా ఉత్తముడనియు
రక్షకు నాశ్రయించి – నే ధన్యుడనైతిని

1. గొప్ప దేవుడవు నీవే స్తుతులకు పాత్రుడ వీవే
తప్పక ఆరాధింతు దయాళుడవు నీవే
|| రుచిచూచి ||

2. మహోన్నతుడవగు దేవా ప్రభావము గలవాడా
మనస్సార పొగడదను నీ ఆశ్చర్య కార్యములన్
|| రుచిచూచి ||

3. మంచి తనము గలదేవా అతి శ్రేష్ఠుడవు అందరిలో
ముదమార పాడెదనిన్ను అతి సుందరుడవనియు
|| రుచిచూచి ||

4. నా జీవితమంతయును యెహోవాను స్తుతియించెదను
నా బ్రతుకు కాలములో నా దేవుని కీర్తింతున్
|| రుచిచూచి ||

5. సంతోషింతు నెల్లప్పుడు కష్ట దుఃఖ బాధలలో
ఎంతో నెమ్మదినిచ్చునా రక్షకుడు యేసు
|| రుచిచూచి ||

6. ప్రార్థింతును ఎడతెగక ప్రభుసన్నిధిలో చేరి
సంపూర్ణముగా పొందెదను అడుగు వాటన్నిటిని
|| రుచిచూచి ||

7. కృతజ్ఞత చెల్లింతు ప్రతి దానికొరకు నేను
క్రీస్తుని యందే తృప్తి పొంది హర్షించెదను
|| రుచిచూచి ||

యెహోవా మహోన్నతుడా – మహిమయు నీదే

by

“సకలప్రాణులు యెహోవాను స్తుతించుదురు గాక.” కీర్తన Psalm 150:6

పల్లవి : యెహోవా మహోన్నతుడా – మహిమయు నీదే
ఇహమందు రక్షకా – మహిమంచి దాతవు

1. పాలకుడవు పరమందు – ఏలికవు యెల్లరికి
చాలినట్టి ప్రధానుండా – సకల యధికారులకును
రాజుల రాజు ప్రభువుల ప్రభువు – ధరపర లోకములకు
దేవుడ వీవే ధన్యుండ నీకే ఘనమైన మహిమ
ǁ యెహోవా ||

2. పరమును విడచితివి – ధర కేతెంచితివి
ప్రాణమీవు బలిగానిచ్చి – మమ్మును రక్షించితివి
తిరిగి లేచి మాకు – కరుణ జీవమిచ్చితివి
విరివగు నీ ప్రేమ – నరులపై చూపితివి
ధర నీదే ఘనతయని – చరణముల పడుదుము
|| యెహోవా ||

3. సంఘమందు మహిమ నీకే – సకల యుగములకు
యుగమందు ప్రతిజీవి – యెహోవాయని యనున్
జగమంతటికి నీవు – నిజమైన ప్రభుడవు
ఆది యంతమై నీవు – అలరారుచున్నావు
యుగయుగములకు – ఘనమహిమ కలుగును
|| యెహోవా ||