Telugu Christian Songs

పల్లవి : కుమారి ఆలకించు – నీ వాలోచించి
కుమారి చెవియొగ్గుము

అనుపల్లవి : మరువుము నీదు స్వంత జనమును
మరువుము నీదు తండ్రి యింటిని

1. ఈ రాజు నీ ప్రభువు – నీ సొగసు గోరె ఈ రాజు నీ ప్రభువు
ఈ రాజు నీదు సౌందర్యమును గోరె – ఈ రాజునకు నమస్కరించుము
|| కుమారి ||

2. తూరు దేశ కుమార్తె – నైవేద్యములను తీసికొని వచ్చును
ప్రజలలో ఇశ్వర్యవంతులు – కుమారి నీ దయను వెదకెదరు
|| కుమారి ||

3. అంతఃపురములో నుండు రాజకుమార్తె – ఎంతో మహిమ గలది
శృంగారమైనట్టి ఆమె వస్త్రములు – బంగారుబుట్టా పనిచేసినవి
|| కుమారి ||

4. విచిత్ర పనిగల వస్త్రముల ధరించి – విచిత్ర పనిగల
రాజు నొద్ధకు కన్యకల వలన – రమ్యముగా కొని రాబడుచున్నది
|| కుమారి ||

5. ఉత్సాహ సంతోషముతో – వారు వచ్చు చున్నారు – ఉత్సాహ సంతోషముతో
రాజనగరిలో ప్రవేశించు చున్నారు – రాబడు చున్నారు కన్యలందరు
|| కుమారి ||

6. నీ తండ్రులకు ప్రతిగా – నీ కుమారులుందురు – నీ తండ్రులకు ప్రతిగా
ఈ ధరణి యందంతట నీవు వారిని – అధికారులనుగా నియమించెదవు
|| కుమారి ||

7. తరము లన్నిటను నీ – పేరు జ్ఞాపకముండు – కరణి నొనర్చెదవు
కాన జనములు సర్వకాలము కృతజ్ఞతాస్తుతులు నీకు చెల్లించెదరు
|| కుమారి ||